أخبار

فضيحة جديدة لارام ففرنسا بسبب كلب

klb

فضيحة جديدة لارام ففرنسا بسبب كلب

 

klb

 

إيميليان، سيدة فرنسة شدات الطيارة من باريس لداكار نهار 5 غشت هي و الكلبة ديالها “غابي”، و لسوء حظها أنها ختارت الخطوط الجوية المغربية (اللي حنا مغاربة و ماكانسافروش فيها لأسباب كايعرفوها كاع الجالية المغربية المقيمة بالخارج).
لارام فرضات على المسافرين ديال هاد الرحلة باش يديرو ليسكال فكازا، و اللي استغرق ساعتاين. فاش نزلات جلسات كاتساين فالكلبة “غابي” باش تسجلها قبل ما يكملوا الرحلة ديالهوم فاتجاه داكار. واحد الشوية جاو عندها قالولها الكلبة ديالك مات.
إيميليان ما سكتاتش و دارت حملة واسعة على مواقع التواصل الإجتماعية و دارت صفحة خاصة بالمتعاطفين مع “غابي”. هاد الصفحة اللي جمعات الكثير من المساندين و اللي بدورهوم بداو كايسبوا و يعايروا فلارام.
لارام دخلها الزيت و هي دير ميساج على هادشي اللي وقع (الشيء اللي عمرها دارتوا معا شي مغربي توضراتلو بنتوا ولا شي باليزةـ ولكن السيدة فرانسوية.. مانتقادوش)
السيدة ما تيقاتش داكشي اللي قالت لارام و مازال كاتطالب الشركة باش تعطيها أجوبة مقنعة على ملابسات اختفاء الكلبة ديالها. هي حاليا كاتفرق واحد العريضة أون لاين باش تضغظ على الشركة و ينصفوا الكلبة ديالها. السيدة سحابلها راسها فميريكان ولا أروبا.. مسكينة كاتساين الريح. راه اللي عطاه الله عطــاه و الكلبة باينة غادي تكون ماتت.. هوما ماكايديوها حتى فبنادم عاد غادي يتهلاوليك فكلبة. أفيييييقيي أبنتي راكي ف ماما أفريكا.

Previous ArticleNext Article

1 Comment

Leave a Reply

Your email address will not be published. Required fields are marked *