أخبار

اب وبنتو قتلو جارتهم بعدما فرڭعات ليهم كرة قدم جابوها ليها في الجردة

father

كيلي ماشين تهرسو ليها الضلوع بعدما دفعها جارها ويليام جيلي فوق طاولة وبدا كايضرب فيها للوجه لعام لي فات
وهادشي كامل لحقاش ولاد بنتو ناطالي بولين، تجلات ليهم الكرة في الجردة ديال كيلي وفرڭعاتها ليهم
المرا مسكينة داوها للسبيطار ولكن بقات كاتعاني من نزيف داخلي حتى ماتت فدارها سيمانة بعد الحادث

وبسبب موتها البنت والاب ديالها ولاو متهمين من طرف محاكم مدينة ليستر بالقتل العمد، وفي المحاكمة قالو بلي هي لي جبداتهم وهما غير دافعو على راسهم ولكن حتى واحد ماكان ناوي يقتلها وماعرفوش بلي الامور تقدر تتطور لهادشي
ولكن القاضي قال بلي بولين سيفطات رسالة لصاحبها قالت ليه بلي راها ضربات جارتها وهرسات ليها الضلوع من بعد ما فرڭعات الكرة ديال ولادها وفي الرسائل لي بيناتهم كان باين انهم باغينها تموت

ولكن دابا الحمد لله الاب وبنتو شدوهم وغادي يتحاكمو في يونيو، باش يرجع الحق ديال عائلة الضحية لماليه
الله يستر

Previous ArticleNext Article

Leave a Reply

Your email address will not be published. Required fields are marked *