shouhabiz

أفعى متؤثرة بجراحها تهاجم راكب دراجة نارية

تنشرات واحد الڤيديو ديال راكب دراجة نارية في طريق في الطايلاند، كان غادي ما عليه ما بيه، واحد اللحظة هاجماتو أفعى من الجنب حتى لقاها فوق رجليه، في الأول بانت ليه سحلية في الطريق ماكاتحركاتش ومنين وصل عندها جا في الوقت لي الأفعى هاجمات، وجات فيه هو، من بعد نزلو لقاو الافعى مايتة لحقاش السيارة لي كانت تابعاه وكاتصور الڤيديو دازت فوق منها
ڤيديو آخر في البرازيل ديال راكب دراجة نارية غادي ماعليه مابيه حتى لقا إفعى صفراء فوق الطابلو لي كايبين السرعة في الدراجة
وصية لراكبي الدراجات، الأفاعي لي كايديرو أوطو صطوب بانو لي كترو هاد ليامات ههههه، حضىو راسكم

 

 

 

أستاذة من آريزونا عمرها 26 سنة دارت إيحائت جنسية منين كان شاعلة الكامرة وكاتهضر فيها مع تلميذ ديالها فعمرو 13 سنة

كارا لوفبروغ أستاذة ديال السابعة شدوها البوليس بعدما سيفطات تصاور جنسية لتلميذ دياله وكان كايستمني في محادثة ڤيديو مع تلميذ ديالها، وقالت ليهم انه طلبت من الطفل يلعب بالصدر ديالها في المحادثة

المعلمة غادي يتاهموها بالتغرير بقاصر وبتهمة التعري العلني 
الولد قال للبوليس انها سيفطات ليه تصاور ديال صدرها والمسائل ديالها ( راك فاهم ) وڤيديو ديالها كاتمارس الجنس والعياذ بالله مع واحد الراجل، وهي إعترفت أنها كانت عارفة بلي الولد العمر ديالو 13 سنة فقط
المسؤولين في المدرسة قالو بانها من 30 مارس ماجات لأسباب شخصية، وأنهم عمرهوم شكو فيها دير بحال هاد التصرفات، وأن تعليم وحماية التلاميذ هي من أولوياتهم وبأن الحادث خربق ليهم وراقهم وخلاهم تالفين وماعرفو مايديرو
بصح هاد الزمان ولا كايتلف، وكحل الراس عمرك ما تعرف شنو تحت راسو

The teacher also admitted that she had asked the boy to kiss her breasts

واحد جوج توام متلاصقين مابغاوش يتفارقو وخا الطبيب كايقول ليهم كاين خطر على صحتهم

كارمن و ليپيطا آندرياس تولدو ملاصقين والطبيب قال لواليديهم بلي ماغايعيشوش اكثر من 3 أيام، هما دابا في عمرهم 16 سنة وعايشين مزيان، ولكن فهاد المرحلة بداو كايعانيو من مشاكل صحية، ولكن هما عازمين مايتفارقوش ومايديروش عملية تقدر تقتل شي وحدة فيهم، وكما قالت كارمن، إضافة للخطر ديال العملية، كاين العامل النفساني، وبلي هما تولفو يعيشو مع بعضياتهم 
الابوين داوهم لميريكان يشوفهم طبيب مختص، ولقاو كل وحدة عندها قلبها ومعدتها والريئتين ديالها ويديها، ولكن قال ليهم الطبيب انهم كايتشاركو في الاضلع والجهاز الهضمي والدم، وبلي العملية باش يتفرقو تقدر تدير ليهم مشاكل في الجهاز العصبي وتقد تقتلهم
ورغم كل هذه المشاكل الصحية البنات قدرو يتفوقو في المدرسة ويندامجو في المجتمع بكل سهولة، وقالو بلي هما مختلفتان واصدقائهم المقربين كايؤكدو هذه المسئلة وكايحسو بلي كل وحدة وشخصيتها وطريقة تفكيرها
وهكذا ورغم كل المشاكل هاد جوج بنيتات قررو يبقآو ملاصقين ويعيشو حياتهم احسن ما تموت شي وحدة فيهم بسبب العملية


 

حمامة دخلات لشقه في نيويورك ودارع عش في صفاية ديال المعجنات وولدات فيها البيض

جونڤياڤ رومان بنت من حي بروكلين في نيويورك سافرات شي شهورة ومنين رجعات لقات حمامة دخلات من واحد السرجم نساتو محلول ودارت عش في الكوزينة وحاضنة على البيض
رومان مابغاتش تزعج الحمامة وخلاتها تكمل الحضانة عندها وسماتها ( آديليد )، وقالت بلي تاصلات بجمعيات رعاية الحيوانات وحتى واحد ما بغا يعاونها
جونڤياڤ لي كاتخدم كمحامية للمهاجرين، قالت بلي هي فرحانة بصديقتها الجديدة في السكن ووأنها غير منزعجة منها، ودارت صفحة في آنستاغرام بإسم الحمامة ( آدليد ) ههههه
المختصين في الحيوانات قالو بلي الحمام يقدر يجيب للدار نوع من القمل والفطريات ولكن جونڤياڤ إنسانة كاتشفق على الحيوانات وماعندها حتى مشكل تبقو معها الحمامة حتى تفقس وتكبر ولادها وقالت : عارفة ان هذا جنوني ولكن لحد الآن كلشي مزيان وحتى الحمامة ماكاديرش الوسخ في الدار بزاف وهي مخلياها فراحتها

hmama2

أم المجرم تود كوهل هيپ، لقاوها مايتة فدارها عن عمر يناهز 70 سنة بعدما إعترف ولدها أنه قتل 7 ديال الناس

الشرطة قالت بلي الجثة ديالها لقاها راجلها في المنزل ديالها، تود كوهل هيپ كان كايبيع ويشري في المواد المنزلية، واحد النهار لقاو مرا مربوطة فڭاراج في الملكية ديالو وإتاهموه بجرائم قتل في 4 مرات، الام ديالو مسكينة منين كانت عايشة قالت في لقاء تلفزي أن ولدها غير ما فهموهش وأنه ماشي وحش ودار الجرائم غير بالغريزة
الشرطة قالت أن وفاة السيدة (طاڭ) عادي ولا علاقة له بجرائم الولد ديالها، وأن ولدها يقدر يدوز الحياة ديالو كلها في الحبس بعدما إعترف بالجرائم ديالو، وأنه نقذو المرا لي لقاو في الڭاراج وسميتها كالا براون وعمرها 30 سنة
من بعد يومين فقط منين شدوه، كوهل هيپ إعترف للبوليس بكلشي وبلي قتل راجل نهار النوويل وإحتجر المرا ديالو، وبلي قتل 4 آخرين ف 2003
الله يستر من بحال هاد الوحوش البشرية لي كايقتلو بلا رحمة وعندهم عادي

طبيبة دوزات أكفس نهار فحياتها وفهاد النهار دخلات يديها في المرحاض هههه

ڭراسي آنديرسون مرا من تكساس، منين إنتقلت للعيش في نيو كاني، بدات كادوز كارثة من بعد كارثة، في الأول تيو ديال الما مقطع في الحيط وكايسيل، والسيارة ديالها وحلات في الغيس حدا الباب، والماكينة لي كاتقطع العشب مابغاتش تخدم، ونهار 12 أبريل المرحاض ديالها تبوشا وماكانش عندها الڤونطوس باش تسرحها، قالت تجرب دخل يدها وتحيد داكشي، صدقات يديها وحلات في الطواليط ههههههه، وما قدراتش تعيط للإسعاف لحقاش حشمات من راسها ( طبيبة لي كاتنصح الناس دخلات يديها في الطواليط ؟؟؟؟؟؟ ههههههه ) وفي الآخر إستسلمت للواقع وعيطات للمسعفين، ومنين جاو كان ضروري يحيضو المرحاض كلو ويدها واحلة وخرجو للبستان لي حداها باش هرسو المرحاض بالمطرقة باش قدرات الطبيبة ديالنا تجبد يدها من العفن هههههه 
آنديرسون دابا خاصها تشري مرحاض جديد وعطاوها واحد الجمعية ڤونطوز باش ماتبقاش دخل يديها في العفن هههه، وقالت ليهم غادي يكون هذا هو صديقي الحميم من هنا لفوق
طبيبة مسطية والله


عسكري في البحرية متهم بسبب عمله في مجال التمثيل الإباحي

قالت لهم زوجته الممثلة الإباحية جويل جاد أنه دار داكشي باش يعاونها في مسيرتها كنجمة إباحية، وقد مثل العسكري جوزيف شميث أكثر من 30 فيلم إباحي مع زوجته من 2010 لحد الآن وفي الافلام يحمل إسم “جاي ڤوم” وأغلب هذه الأفلام كانت مع الزوجة ديالو
إدارة العسكرية البحرية دارو تحريات باش يعرفو واش جوزيف دار مخالفات لقوانين العسكر بعدما عمل في عمل ثانوي مثل الأفلام الإباحية
وعلقت زوجة جوزيف على كل هذا وقالت ليهم : بكل صراحة حتى واحد ما عندو الحق يتدخل، لأن العمل في الأفلام الإباحية قانوني في الولايات المتحدة الأمريكية وبزاف ديال الناس كايتفرجو فيه وزوجها كان بحري متميز وربح جوائز أحسن بحار للسنة بزاف ديال المرات، وأضافت انه عمرو مامثل دور إباحي وهو لابس لباس البحرية
الإدارة ديال البحرية غادي تحاكم جوزيف لحقاش ماخداش الموافقة من عندهم باش يدير عمل بحال الأفلام الإباحية ولكن المحامي ديالو متفائل بأنه غادي يخرج منها بسلام، ومارتو قالت بلي تقدر تسمح في العمل ديالها يلا كان هادشي غادي يكون في صالح زوجها وأسرتها

آرون هيرنانديز إنتحر في السجن

اللاعب السابق لفريق نيو إنڭلند پاتريوت، آرون هيرناندز إنتحر في السجن يوم 19 ابريل وعمره 27 سنة ، وقال مسؤول السجن انهم وجدو جثته عند الساعة 3 صباحا، وان آرون لم تكن تظهر عليه علامات تفيد بأن لديه فكرة أن ينتحر يوما ما.
آرون كان محكوم عليه بجريمة قتل ديال “أودان ليود” بسبب لقاء هذا الأخير مع خت خطيبة آرون. وكان آرون متهم من قبل في قضية مقتل رجلين لكن المحققين توصلوا للحقيقة بأنه ماشي هو لي قتلهم،
محامي آرون وعائلته تصدمو بعد الإنتحار ديالو، وطالبو المحكمة والشرطة يزيدو يبحثو أكثر في سبب الإنتحار ديالو لحقاش كايقولو أن هذا الشي لي وقع ليه غير عادي

Aaron Hernandez Fiancée Getty Images

Aaron Hernandez Getty Images

المتهم بقتل عدائة مدينة نيويورك قال بلي دار داكشي باش يخرج الأحاسيس ديالو

لويس الرجل لي ضرب العدائة كاترينا ڤاطرانو حتى ماتت، قال للشرطة انه كان غضبان بزاف وهذا هو السبب الوحيد لي خلاه يضربها باش يتكالما وأنه إختارها عشوائيا
المحكمة بعدها حكمت على لويس بتهمتي التحرش الجنسي والقتل
وقال لويس للشرطة ان يعتذرو لأمه وعائلة الضحية على ما قمت به

الشرطة لقاو الحمض النووي ديال لويس في أضافر الضحية لي كانت جرحاتو فوجهو منين كانت كادافع على راسها وهذا كان دليل أساسي في قضية الإعتقال ديالو

جيسيكا كانو ضربوها بالحمض لوجهها وتحرقات واليوم أول مرة تظهر للعموم بعد الحادت

جيسيكا نوراتو من أجمل جميلات إيطاليا، تفارقات هذه السنة مع حبيبها جورج إيدسون طاڤاريس، ناض هو خوا عليها قرعة ديال الحمض فوجهها باش ماتبقاش زوينة، قالت جيسيكا في لقاء صحفي << كنت كاندعي الله والحمض كاياكل فوجهي، باش يبقاو لي غير عينيا والجمال ماشي مشكل يلا مشى >> وقالت بلي ولات كاتخسر فلوسها كلها على الدوا وماتقدرش تخدم الخدمة لي كانت كادير ( عاملة في حوض أسماك ) لحقاش ما خاصهاش وجهها يتقاس بالما 
جيسيكا كاتشافا من الحادثة بشكل بطيء وكاتحمد الله بقاو ليها عينيها والصوت ديالها، وقالت حتى نيفها وفمها ماتقاصوش بزاف، وذكر بأن الجاني خوا عليها القرعة كلها لآخر قطرة وكان باغي وجها كله يتشوه
جيسيكا قالت في الاخير ان كل ما تتمناه هو يشوفها هذا المجرم في الحالة لي وصلات ليها باش يعرف مدى مأساوية وقبح داكشي لي وقع ليها

Gessica Notaro getty

Gessica Notaro Instagram