مرا هندية تزوجات بعدما تحرقات بالحمض ودارت 17 عملية

هندية سميتها لاليتا بنبنسي عمرها 26 سنة تخوى عليها الحمض وبسبب ذلك دارت 17 عملية تقويمية للجسم ديالها وقال ليهم حبيبها كيمار، هو كايبغي الجمال الداخلي ديال مراتو وكان هو ومراتو قررو يتزوجو بعد شهرين من الحادثة، وقالت البنت بلي هي مرتاحة بزاف وفرحانة، وكانت كاتعتقد انها عمرها تتزوج من بعد الحادثة وبلي حتى حبيبها ماكانتش متوقعاه يبقى عند كلمتو ويتزوج بيها بعد ما تشوه الوجه ديالها، ولكن الزوج ديالها عاجبو الجمال الداخلي ديال مراتو وقال بلي قلبها بيض وزوين، وان العائلة ديالو دعماتو في هذا القرار وهو مرتاح حيت غادي يتزوج بنت بحالها، وبسبب إنتشار قصتهما واحد المصممين عطاوهم هدايا ديال العرس وصممو لهم ملابس العرس وحلي للعروس، وعاوناتهم واحد الجمعية في مصاريف العرس وداز كلشي بيخير

هذا الكلب هو أحسن واحد كايبيع السيارات هههههه

كليب غزال في بريكسيل، تشوفو تيق فيه لحقاش لابس كوستيم وڭرافاطة هههه، هذا الكلب بان فواحد الڤيديو إشهاري ديال شركة كاتبيع السيارات، ومولات الشركة جاتها الفكرة بعدما مشات تشري لبسة لولد صغير، وقالت علاش مالبسهاش كلكب ونديرو بحال يلا كايبيع السيارات، وفي الڤيديو كايقولو زعما راه كلب كايبيع، يعني تقدر تقولبو وتاخد داكشي رخيص، هههههه ، وقالت مولات الكلب انها كاتشري ليهم مرة مرة لبيسات، وداكشي رخيص غير ب 4 دولار، ولكن منين لباست ليه الكوستيم جا زوين بحال شي واحد كايبيع السيارات، ومن بعد دارت ليه ڤيديو خدام بحال محامي ههههه
ومن بعد دارت ليه صورة كاتقارنو فيها مع بائع الورق سميتو دوايت سشروت وواحد المرة صورة أخرى في إجتماع لبيع السيارات هههههههههه
الحاصول الحماق فيه وفيه والڭور هوما لي كايعرفو ليه

واناب ميرمان محيح في مزيان في شواطئ ريو ديجينيرو

خونا في الله فعمرو 22 سنة وكل نهار كايمشى للشاطئ المعروف ديال لپانيما وكايجلس في الصخور وهو لابس لباس حورية البحر، منين سولوه قال ليهم منين كانكون في البحر كانحس براسي إنسان آخر وهذه طريقتي للتعبير عند حبي للبحر 
وقال بلي الناس كاينتاقدوه لأنه مختلف، ولكن هو كايعيب عليهم أنهم متشابهون، وقال انني كاندير داكشي لي كايعجبني بلا مانتسبب في الأذى لحتى شي واحد وهذا هو المطلوب، وبلي كان كايتمنى يحصل على كسوة بحال هادي كهدية منين كان صغير

آريانا ڭراند جاتها هيستيريا من بعد ما فجررو راسهم فواحد الحفل

المغنية آريانا ڭراند جاتها هيستيرية بعدما عرفات بلي 19 واحد من لي كانو حاضرين للحفل ديالها ماتو بسبب إنفجار داروه شي إرهابيين
مقربين من المغنية قالو بلي راها مدهشرة ومافاهمات والو لحقاش شباب جاو يحضرو ليها وينشطو ويضحكو صدقو مايتين مساكن بسبب إرهابيين وكاين لي تجرح وتحرق
وهادشي غادي يخلي الحفل ديالها المرتقب في لندن في الشك، لسببين، الاول انها ما باغياش هادشي يتركك مع المعجبين ديالها، وثاني حاجة انها في حالة نفسانية ماتقدرش تغني
مسكينة بغات تنشط مع المعجبين ديالها ندموها ولاد الحرام

جيمي فوكس، قال أنا أوپرا نقداتو من السكر

الممثل جيمي فوكس لي ربح جائزة، أكاديمي آوارد، شارك في برنامج “هاوارد ستيرن شو” وإعترف أنه كان كايسكر وعاطيها للزهو بزاف قبل ماتتدخل أوپرا وخرجاتو من داك العالم
عيطات ليه أوپرا وقالت، كايضيع المستقبل ديالك بيديك وقالت ليه، هادشي كلو بدا كايتشابك وماشي هادشي لي خصك تدير ولي باغي تدير، انا باغية نعاونك تبدل حياتك
من بعد ما هضرو في التيليفون، تلاقات بيه ومشاو تلاقاو بزاف ديال الممثيلين من أصول إفريقية، وكلهم بداو كايدفعوه ينقي حياتي ويولي كايعيش حياة واضحة ومسؤولة
من بعد هادشي جيمي زاد خدم على راسو وربح جائزة الأوسكار

3 ديال الناس سرقو سيارة وقتلو طفل عندو 6 سنين كان راكب لور

3 ديال الرجال وقفوهم البوليس بعدما لقاو جثة ديال ولد عندو 6 سنين مايت في السيارة المسروقة ديال الام ديالو، وحبسوهم بتهمة القتل، وقال رئيس الشرطة أنه غادي يحمل تهمة قتل الولد على عاتق، بريون ماك بريد، آلين واشينطن و دوان واكفيلد
السلطات علنت بلي داك القتلة جوج منهم عندهم يلاه 17 سنة ، ولكن في منطقة اميسيسيپي لي عندو 17 سنة كايحاكموه بحال البالغين وهذا يعني ان جريمة القتل تقدر تخلي المحكمة تحكم على هاد 3 ديال الناس بالإعدام
الجثة ديال الولد داوها يديرو ليها تشريح باش يعرفو سبب الوفاة والطريقة لي قتلوه بيها هاد الوحوش الآدمية ، واتل الام ديالو بلي خلاتو في السيارة ودخلات للسوق الممتاز ووقعت الواقعة
الوقت ولات كاتخلع، ولد صغير ولاو كايتقلوه بدم بارد، الله يدير شي تاويل دالخير<


الرجل لي دخل في الباب ديال كيلي جينر، إعترف بالموت غير العادي ديال آناهيم

29 في العمر ديالو، سميتو مورڤين ماڭاڭانيس، إعترف بمقتل متشرد عمره 49 سنة وسميتو سابا آل ساب في شهر يناير، والبوليس ربط هذا القتل بواحد آخر بحالو في أكتوبر
قال ليهم الشاف ديال البوليس، عرفنا بلي كاين نفس القاتل في الحالتين، ولكن ماكناش عارفين شكون هو
في أكتوب مورڤن ماڭاڭانيس كان قتل رجل متشرد عمره 52 سنة سميتو أونوسايد ڤيدا ذو بشرة سوداء
ومور داكشي في شهر 10 خونا دخل في سيارة ديال كيلي جينز ودوز فيها 10 أيام في السيلون
البوليس دابا كايديرو التحريات باش يعرفو واش خونا متورط في جرائم أخرى ولا لا، ولكن قالو بلي الجريمتان لي دارهم ماعندهم حتى علاقة بيناتهم



ولد عندو 11 سنة ديكلارا للبوليس بأن الأب ديالو عندو المخدرات في الباڭاج

شرطة ماساشيسيط سونا عليهم ولد صغير وقاليهم بلي باباه عندو المخدرات، والشاف ديال البوليس قال بلي الولد منين ديكلارا قال أيضا أن الأب ديالو كان كايبيع المخدرات في الصباح، وقال بلي هذا الولد شجاع لدرجة كبيرة
البوليس أكدو أنهم منين مشاو لقاو الأب عندو 200 غرام ديال الهيروين والفانتانيل وقيمة المخدرات لي عندو كاتجاوز 8500 دولار أمريكي 
الأب دابا غادي يدوز في المحكمة بتهمتي ترويج المخدرات وعدم الإعتناء بالإبن ديالو،والولد الشجاع هو في حماية أفراد عائلته ووزارة الأطفال والأسرة

رئيس وكالة كانطاس للطيران ضربوه بكعكة كريم فوجهو

رئيس شركة الطيران كانطاس، والمسمى الان جويس. كان كايخطب عليهم فشي إجتماع ما عليه ما بيه حتى داز مشى عندو واحد خونا معصب مزيان وغفلو بواحد الطورطة للكمارة عمرو بالكريم هههههههه، ويسحاب لكم تقلق وناض يدابز ؟ هههههههه ناس واعية قال ليهم سمحولي 5 دقايق نمشي نغسل ونجي وجا كمل الديسكور بحال يلا ما وقع والو



إيران تعاقب الزانية بجعلها تغسل جثث

واحد المحكمة في طهران عاصمة إيران حكمة على إمرأة زانية عمرها 35 سنة ب 74 سنة سجن وسنتين في تغسيل الاموات في مكان جمع الجثت في المستشفى
خيتنا في الاول بغات تنكر ولكن منين جابو ليها الحجج والدلة إعترفت بكلشي، عندهم في إيران الزنى من أكبر الجرائم ولي حصل كايمارسها بزاف يقدر يعاقبوه بالإعدام، وهادشي بدا من 1979 منين بداو كايطبقو حد الإسلام في هذه المسألة، لحقاش في الإسلام منين كاتطبق الحد على شي مسلم إرتكب زنى أو أي شيء خارج عن الدين، بحال يلا كاتحيد عليه الذنب لي دار باش كاتدفنو وهو مقلل الذنوب ديالو
ولكن إيران راجعت هذا القرار في القانون ديالها ومابقاتش كاتقيم الحد الإسلامي في حالة الزنى ولكن العقوبات ديالها
مازالة قاصحة