سريعة وغاضبة، لقاء سري بين ڤان ديزيل و دو روك

دو روك المشهور كممثل ولاعب مصارعة قال في شبكات التواصل الإجتماعي بلي كاين شي ناس في الميدان غير حرفيين، وكان كايمعني على ڤان دييزيل وفريقه، هادش لي خلا فريق تصوير فيلم ( 8 fast كله يتقلق من دوروك على هاد الكلام لي قال، ( حتى واحد فيهم ما يقدر يواجهني في الحلبة ) هههههههه الدقان على ڤان دييزيل عاين باين.
التوتر ولا كبير بيناتهم لدرجة أنهم مابقاوش قادري يديرو مشهد في الفيلم، وهكا دارو إجتماع مغلق بيناتهم باش ينهيو الخلافات ديالهم ويتفاهمو باش يقدرو هكا يكملو مزيان، ولكن فريق العمل كله ماحملش داكشي لي دار دو روك لحقاش كان مزال غير سيمانة ونص ويبداو في التورناج بيخير

gal

داعية إسلامي سعودي قال ليهم : علاش العرب كايخافو من العين ؟

أكبر داعية إسلامي سعودي ( عايد القرني ) قال في لقاء تلفزيوني ( الثامنة ) على قناة MBC قال لهم، ماعرفتش علاش حنا العرب كانخافو من العين ؟؟ علاش غادي يحسدونا مثلا ويضربونا بالعين ؟؟ الدول المتقدمة جدا مثل اليابان و الهند لي وصلو للقمر وقربو يوصلو للمريخ وماكايحسدوهومش وماكايتعينوش

حنا العرب، غير مرأة تحمل كايبداو عليك << ماتقولها لحد >> << خلي كلشي مستور >> غايضربونا بالعين 

فأكد القرني أن الجهل بالإسلام الحقيقي هو لي كايخلي الناس الجاهلة تيق بهاد الخرافات وتنقلها للناس الآخرين، وأن عدم إهتمام الدول المسلمة بإسلامها هو لي كايخلي هادشي ينتشر ويفاقم في الجتمع ديالنا
ثقافة ضحلة ومجتمع ضحل

متهم بإغتصاب قاصر وقتلها هي وجدها وجداتها إنتحر بالقفز من الطابق الرابع

روبرت سيمان، هو إسم المنتحر وفعمرو 48 عام، كان متهم بحرق بنت قاصر عمرها 10 سنوات بعدما إغتصبها بزاف ديال المرات، ، أحرقها هي و جدودها والدار كلها لي كانو فيها نهار 10 أبريل 2017، ومنين حكمو عليه وكانو مخرجينو البوليس من المحكمة للسجن، هرب ليهم ونقز من الطابق الرابع ومات، لحقاش مابغاش يدوز الحبس 
من بعد البوليس لقاو الجثة ديال البنت وجدها وجدتها محروقين في الطابق الثاني فدارهم
الله يستر الوقت ولات كاتخلع


 

داعش.. اسوأ سمية تقدر تكون عند شي واحد جات من زهر أمريكية

بزاف ديال الناس فالمغرب رفعوا قضايا على واليديهم و السبب هو باش يغيرو الأسماء ديالهوم بحكم أنها غريبة ولا قديمة بزاف ولا كاتضحك. ولكن هاد الأسماء بحال بوشعيب، بوشتا، بلعيد، عاشور.. إلخ.. راه ماكاتبان والو قدام وحدة سميتها “داعش”. أيييييه.. واحد السيدة فولاية ماساسوتشس الأمريكية سميتها ISIS و اللي هي الاختصار ديال ما يسمى بالدولة الإسلامية فالعراق والشام، الجماعة الإرهابية اللي دايرة الرعب فالعالم. وماشي غير هادشي، حتى كنيتها فيها المشاكل. تعقلوا على واحد الغوريلا كانو قتلوه بعد ماطاح واحد الولد صغير فالقفص ديالو و دار البوز فالأنترنيت.. آااااه هو هاداك.. سميتو “هارامبي” و هي نفسها الكنية ديال هاد السيدة.
أيزيس هارامبي كانت نكرة و حتى واحد ما يعرفها.. ولكن غير شافو سكان التويتر البيرمي ديالها فيه هاد السيمة و هي ترجع مشهورة و كولشي ولا يهضر عليها.
المهم أ خاي بوشعيب ولا عاشور ولا بوشتا غير بلا ماتقلق.. راه كاين فهاد العالم اللي الحظ ديالو فالسمية اكفس من ديالك.. و انت اللي كاتقرا هاد المقال إلا كان الحظ ديالك فالسمية احسن من هادو كاملين بارطاجي مع صحابك واحمد الله.

daach

شفار رغمو عليه يحفر القبر ديالو ودفنوه حي في جنوب إفريقيا

ڤيديو تنشر في الأنترنت ديال واحد الشفار في جنوب إفريقيا، ردوه يحفر القبر ديالو ومنين حفرو مزيان هجمو عليه واحد المجموعة ديال الناس معصبين وغضبانين وضربوه بغاو يقتلوه باش يموت ويدفنوه في داك القبر،
الشخص لي صور الڤيديو قال بلي الشرطة كون تعطلات غير شوية كون لقات الراجل محروق لحقاش كانو موجدين البنزين باش يحرقوه ويدفنوه
نفس الرجل سبق ليه كلا العصى من عند الناس بعدما كانو لقاوه دخل يسرق فشي ديور ومابغاش يتوب
آودي لي فيه شي ڤيس راه فيه والشيخة عمرها تنسى هزة الكتف


 

الأطباء تزعزعو هما تخلعو بسبب واحد الطفل تولد بالقلب ديالو كلو خارج من الصدر ديالو

لسوء الحظ العائلة فقيرة وماعندهاش باش دير التحاليل قبل الولادة ، ما كتاشفو المشكل حتى تولدات بنتهم في المستشفى نهار 5 أبريل في الهند وحظوظها باش تبقى عايشة لا تتعدى  50 بالمئة  
الأم ديالها مسكينة قالت أنا حزينة بزاف، عمرني توقعت بنتي الأولى تخلق بعاهة صعبة بحال هادي 
الطفل نقلوه لمسثشفى مزيان باش يديرو ليه 3 عمليات متتالية تنقذ الحياة ديالو في المستشفى الجامعي لمدينة دلهي
الوالد ديالو مافحالوش وقال ليهم كن كان عندي باش ندير بنتي في أحسن مستشفى في الهند المهم تعيش لي وتكبر بيخير

حسب الخبراء حالة هذه البنت نادرة جدا كاتوقع لكل طفل من أصل 150 ألف ولادة
الله يشافيها مسكينة


لحظة رعب، شبح هجم على واحد الولد فدارهم وطيحو

قناة (CCTV) نشرت ڤيديو ديال ولد فدارهم ڭالس ماعليم مابيه، كايقرى الكتب معا راسو، واحد اللحظه تفتحات باب الخزانة بوحدها وخرج منها شيء أسود هجم عليه وشدو من رجليه وجابو مجبد في الأرض مصدوم من ما وقع
هاد الڤيديو تنشر في اليوتوب نهار الخميس 16 مارس وصل 30 ألف مشاهدة، ولكن المشاهدين كل واحد شنو كيقول، كاين لي قالك هادو غير كيمثلو علينا، واحد جاهم من اللخر قالك الأشباح أصلا ماكاينينش، مشاهد آخر قال، الباب تفتح بلا مايحس بيه ؟ ماسمعوش ؟ الطنز العكري هذا، ولكن كاين لي كاقو بيه وقالك هادشي كايخلع، ( راك خلعتيني ماما غطيني )
ولكن بحال هاد الڤيديوهات 99% كاتكون كذوب، داك المرة واحد ناعس فبيتو وخرج منو ظل أسود، و واحد آخر دارو فيه شبح كايقتل بنادم تحت الدروج

 

 


مرا لقاوها عريانة وعندها صبعان ملاصقين، قالت ليهم أنا حورية البحر

لبوليس ديال لوس آنجلس ضربتهم تلافة منين لقاو واحد المرا عريانة وصبعان ديال رجليها ملاصقين وفازڭة بالما وسط الطريق بين سان فرانسيسكو و لوس آنجلس، ( أنا نشوف هاد المنظر نهرب )، الموصيبة هي منين هضرات قالت ليهم أنا سميتي جوهانا حورية بحر ويالاه خرجت من الضاية وبغيتكم تعاونوني نمشي للصبيطار، ومازادتش نطقات
الموصيبه الكحلة هي منين دارو ليها البصمات، مالقاوهاش كاينة عندهم، ومازال كايقلبو في السجلات ديالهم،
مرأة مجهولة وفداك الشكل وتقول لك أنا حورية البحر ؟ كريز كاردياك فالبلاصة

A missing person notice released about the Frenso mermaid

واحد خونا قلبات عليه صاحبتو وبقى كايصيفط ليها مساج كل نهار لمدة 3 سنين متابعة

كل واحد فينا كاينسى الفراق مع حبيبو بالطريقة ديالو، وكايدير شي حاجة باش ينسى الجراح من بعد الفراق مع لي كايبغيها فداك السيمانة والشهر الأول، منين كاتبقى تسمع أغاني الحب وتحس بيها بحالا مكتوبة عليك وكاتفكر ليام هههه، وكاتحس براسك غادي تبقى حياتك كلها وحداني وتموت وحداني مامسوق ليك حد ( وبتا صحابك وعائلتك كلشي كاين) ولكن لا هي كانت بالنسبة ليك كلشي ودابا مشات . مع ليام شوية شوية كاتنساها وكاتموت الأحاسيس من جهتها بحال ما وقع والو . وحد خونا فالله مانساهاش بعد سيمانة ولا شهر، خونا بقا كيفكرها 3 سنين، وعقدها فحياتها، 3 سنين وهو كل نهار فنفس الوقت كيسيفط ليها مساج فيه ( كانكرهك ) هههههههههههههه ( نعم إنها المخدرات هههههههه )، هدا فات ڭاع وسائل التعذيب النفسي، قالهم ماكتعرفوش، ومابردش ليه خاطرو ناض صور المحادثة ديالهم وپارطاجاها في التويتر باش صحابهم يعرفوها ماتسواش وعذباتو مسكين وحتى واحد ما يفكر يتصاحب معاها ههههههه ( ولد الحرام مقطر ) هههههه، ولقاوه داير منبه في الهاتف كيفكرو كل نهار بأنه كايكرها وخاصو يصيفط ليها مساج، . ماعرفناش كيف كانت علاقتهم ولا شنو سبب فراقهم، تقدر تكون عيشاتو في المرار وهو صابر حيت كايبغيها وفي الآخر قلبات عليه، . المهم خنا حطم الروكور في التعنيف النفسي، كان عليه ينساها بكل سهولة بلا هاد الحماق كلو ( كون كانت شي عربية تبلوكيه وتهني الوقت وخليه يهضر مع الحيــــــــــــط هههههههههه

بغيتي تاكل فابور ؟! لعب عروسة وعريس نتا وصديقتك في الريسطو

آليكس وكاتي جوج صحاب مهبولين، بانت ليهم ياكلو الديسير بلا مايخلصوه واحد النهار، ناضو نعاماسي لبسو مزيان، ومشاو مثلو على الناس، ڭلسو كأيتها كوپل فهاد العالم السعيد، جاهم العشا ديالهم، عمروا كرشهم بما لذ وطاب لغاية التخمة، ناض آليكس السڭع جابها عند مالين الريسطو قاليهم راني باغي نطلبها تتزوجني عاونونا الله يخليكم، تاقو بيه مساكن لي خدامين تما، جاو حتافلو بيه وبها وتصوروا معاهم الناس، وعطاها هو خاتم الزواج مزور ( وراه مزور آ صاحبي ههه ) ماعاق بيهم حد، وزادوهم شي عصائر وحلويات فابور، ، والمشروبات على حساب الشركة المباركة، واديرها في المغرب باش يضوبلو لباباك الثمن في 10 ههههههههه