حتى الجامع ردوه برتوش.. كلشي ديال الله.

حتى الجامع ردوه برتوش.. كلشي ديال الله.

 

 

 

الفضايح ديال الأئمة دالجوامع فالمغريب غادا و كاتزاد. آخرهم الفضيحة ديال الإمام الفاسي مع العشيقة ديالو و فوسط الجامع يا حسرة.
هاد الإمام اللي كايبلغ 52 سنة و اللي كايصلي بالناس فمسجد عمر ابن الخطاب فبن سودة ففاس حصلوه حتى هو متلبس كايدير داكشي الخايب مع عشيقتو فوسط نفس المسجد و فنفس البلاصة فين كايصلي بالناس.. و هاد الخبر أكداتو مجموعة ديال وسائل الإعلام المحلية.
السيد اللي مكلف بالمسجد هو اللي حصلهوم و مشا كايجري عيك للناس ديال الحومة اللي جاو دغيا و شوه والإمام و عشيقتو بالسبان و الضرب و من بعد عيطو للبوليس و داوهوم للكوميسارية.
دابا الواعرة كاع هي أن داك السيد اللي كايحضي الجامع كان مصاحب مع ديك البنت قبل ماتخليه و تمشي عند الإمام (حيت زايد عليه فالمنصب) وبلعاني شوههوم قدام الناس باش ينتاقم منهوم.
هاد السيناريو عمرو ماطاح على شي مخرج تركي.. العشق وداكشي داخل المسجد. و الكبت داير بحال السوسة فالمغرب.. ماخلا لا فقيه و لا خارج الطريق. الله يعفو.

الشفارة سرقو تلاثة ديال المليون دولار ل Drake

الشفارة سرقو تلاثة ديال المليون دولار ل Drake

drake

Drake تفرغ على الحراس ديالو مبعد معرف ان الشفارة سرقلو 3 مليون دولار ديال المجوهرات من الطوبيس ديالو اللي تيمشي فيه فالجولة ديالو فمريكان. البوليس راهم تيشوفو الكاميرات باش يتعرفوا على الشفارة اللي راهم تتمتعوا بالشانطة العامرة بالمجوهرات الغالية…

العارضات الإيطاليات سخنوا وبداو يبينوا ‘داكشي’.

العارضات الإيطاليات سخنوا وبداو يبينوا ‘داكشي’.

1

Pixellated Version epa05522617 Italian actress Giulia Salemi arrives for the premiere of 'The Young Pope' at the 73rd Venice Film Festival in Venice, Italy, 03 September 2016. The movie is presented out of competition at the festival running from 31 August to 10 September. EPA/ETTORE FERRARI

العارضات الإيطاليات واقيلا مابقاش مقنعهوم زينهوم و الفصالة ديالهوم داكشي علاش ولاو كايعريو بلايص اخرين باش يفتنوا الناس.
عارضات الأزياء الإيطاليات ‘غيليا سالمي’ و ‘دايان ميللو’ دارو البوز مؤخرا باللباس اللي ظهروا بيه فمهرجان الفيلم فمدينة البندقية، اللباس اللي بين كثر من داكشي اللي كانوا باغيين يبينوا (والله أعلم).
اللباس باش ظهروا فالبساط الأحمر كان كايبين المناطق الحساسة ديال العارضتين كلما تحركوا فوق البساط ولا حاولو يتبوزاو للمصورين اللي ماكايزكلوا والو و اللي عجبهوم الحال و بداو كايزوميو على دوك البلايص.
من الواضح أن غيليا و دايان ماكانوش باغيين داكشي يبان حيت تشدوا فشي تصاور و هوما كايحاولوا يستروا ما ستر الله و لكن بدون نتيجة حيت اللي عطا الله عطاه والمصورين قضاو الغرض.
الصراحة سعدات الصحافة الإيطالية ممتعين بالتيتيز و الزين الطالياني.. أنا فاش كاندير التغطية لشي مهرجان فالطاليان راه كانتلف.

epa05522617 Italian actress Giulia Salemi arrives for the premiere of 'The Young Pope' at the 73rd Venice Film Festival in Venice, Italy, 03 September 2016. The movie is presented out of competition at the festival running from 31 August to 10 September. EPA/ETTORE FERRARI

سكرانة عمرها 72 عام قتلات ولد عمرو 15 شهر باه هو بطل الكيك بوكسين Marcus Kowal

سكرانة عمرها 72 عام قتلات ولد عمرو 15 شهر باه هو بطل الكيك بوكسين Marcus Kowal

2

 

3واحد سكرانة وتلقة الموسيقة دخلت بالطموبيلة ديالها فولد عندو عام و3 شهور كان تيتمشى مع خالتو قتلتو الدري فالبلاصة والبنت راها فالمستعجلات. اب الولد بطل الكيك بوكسين كان غادي يتسطا وبوسطا تصويرة مع ولدو قبطلو فيديه وهو مشا عند الله. البطل تبرع بالاعضاء من الجسم ديال ولدو باش ينقد 9 ديال الدراري، وطلب
من الناس فاافيسبوك ديالو باش يحبسو من الطليب باش يعطيهم الاعضاء راه عطى كلشي…العاقيسة الشارفة بغات تهرب ولكن الناس تعرضو ليها بالطومبيلات ديالهم، هنا فالمريكان ماتيضاحكوش مع الصوكان والسكرة. الشارفة غادي تشرب كاسهاالجاي فعوكاشة ديال المريكان ماشي فالبار ديال راس الدرب.

راجل خسر 75 مليون باش يرجع زوين صبح ماما غولا

راجل خسر 75 مليون باش يرجع زوين صبح ماما غولا

6

واحد الطاليني خسر75 مليون سنتيم على العمليات التجميلية باش يتبوكس، العملية الجراحية الاولى منشحتش، زاد الثانية والثالثة و الرابعة حتى مابقاش عارف شحال من واحدا دار… ها النتيجة : تمتعوا بالتصاور ولكن ماشي قبل متمشيو تنعسو راه تقدر تبان ليكم فالرؤيا…

4 5 3

1

جاستن بيبر شدوه متلبس كايمارس الجنس فجردة..

جاستن بيبر شدوه متلبس كايمارس الجنس فجردة..

 

d3 d4

 

الفضايح ديال المغني الكندي الشاب اللي محيح عليهوم فميريكان غي غاديين و كايتزادو (اللهم لا حسد) و آخرهوم هي أن البابارازي شدوه كايمارس الجنس مع صاحبتو الجديدة (السيد كول نهار مع وحدة ..ماكايتقاضاش) اللي مشا معاها للمكسيك باش يحتفلوا بعيد ميلادها 18 ف كابو.
d1البابارازي او مصوري المشاهير ماكايعكزوش و كايسافرو العالم كامل تابعين الفنانين غي على بحال هاد البلانات و كايبيعو التصاور بآلاف الدولارات من بعد..
صوفيا سخنات جاستن بيبر بالبوسان وماقدرش يحبس راسو من ممارسة الجنس معاها فجردة.. تيك تيك البابارازي خداو تصيورات و صيفطوهوم لللصحافة ديال مريكان و العالم..
الدراري فالمغرب مولفين بالجرادي و الكوانات ولكن هوما حتى إلا داروها جات عليهوم حيت ماعندهومش اللوكال (البرتوش).. ولكن نتا لاش دير هاكا أجاستن علااااش..

المريكانية اللي بغات تشهر على ضهر كريس براون صحة

المريكانية اللي بغات تشهر على ضهر كريس براون صحة

1

 

2

بايلين كوران اللي عيطات ل 911 (الرقم ديال البوليس فميريكان) باش تشكي بكريس براون اللي هددها بالفردي خلال وحدة من الحفلات اللي كاينظم فالفيلا ديالو بعدما تزايدات معاه فالهضرة.. البوليس ديال تما ماشي من العاكزين.. جاو بالزربة و داو كريس لمركز الشرطة و ناضت القربالة عند صحافة المشاهير.. اللي بقاو كايحفروا و يقلبوا حتى جابو الخبيرة ديال البنت.
هاد البنت طلعات مطلوبة للعدالة ف نيو يورك حيت بلغات عليها صاحبتها بعدما سرقاتليها صاك ‘لوي فيتون’ ساوي الفلوس المزيانة.. التحريات ديال الصحافة خلاتهوم يكتشفوا على أن هاد البنت تشدات فتصاور ماشي مرة ماشي جوج و هي كاتحاول تتلوط على مصورين بابارازي باش يصوروها.. الشي اللي خلاهوم يستنتجوا أن السيدة باغية تشهر صحة و داكشي لاش دارت هاد التلبيسة لكريس براون باش تبقى الصحافة تهضر عليها و دير البوز..

3

فعلا البوليس فاش دخلوا لعند كريس براون بعدما جابوا إذن بالتفتيش مالقاو والو من داكشي اللي قالتلهوم.. و هادشي دفع كريس باش يرفع دعوة على هاد المتعطشة للشهرة، و ناض المحامي ديالو دارليها الشوهة فمجموعة ديال البرامج التلفيزيونية.

أنا كايبانلي على أن هاد البنت فعلا وصلات للهدف ديالها ووصلات للشهرة اللي كانت تقلب عليها بالريق الناشف و هضروا عليها بزاف ديال المنابر الإعلامية و التلفزية الضخمة.. ولكن هاد الشهرة جات بالثمن ديالها حيث غادي يخصها تواجه كريس براون فالمحكمة نهار 25 فالشهر.

الميريكانية تدافع عليه و خوتو العرب تيدڭدڭو فيه

الميريكانية تدافع عليه و خوتو العرب تيدڭدڭو فيه

 

7DBFA07E-BB78-4419-BE08-4D3C2F83FD7F_cx3_cy11_cw93_w987_r1_s_r1 j

كاينين شي بنات كايهتموا غير بالمظاهر.. و خصوصا إلى عطاهوم ربي شوية ديال الزين.. هاد العقلية المراهقة اللي عند هاد النوع د البنات كاتخليهوم سطحيين لأقصى الدرجات بحيث أنه ما كايهمهومش الراجل يكون مثقف و قاري و واعي بقدر ماكايهمهوم الراجل اللي لاباس عليه و عاطي للعين.. و غالبا ماكايكون السبب هو باش يعيقو على صحاباتهوم و ويفقصوا عديانهوم.. ولكن اللي ما عارفينش هو أن هاد الرجال اللي كايختاروا دغيا كاتساليلهوم الصلاحية.. كادوز شوية على العرس و كايمشيو يدوزو شهر العسل فالمحاكم..
جينيفر غرات، المغنية الأمريكية اللي تعرفات بتألقها فالفن الأمازيغي، و اللي كان أول ظهور ديالها ف Arabs got Talent ظهرات مؤخرا فواحد المقابلة وردات على الناس اللي كاينتقدوا راجلها، سعيد الزاتي، واللي هو الآخر مغني أمازيغي.
وجهات جينيفر رسالة لهاد الناس كاتطلب منهوم باش يبعدوا من الحياة الشخصية ديالها و يتوقفو على انتقاد شكل راجلها و الزواج ديالها بيه. و قالت على أنها كاتمنى الناس يبقاو يهتموا أكثر بجمال الروح و الشخصية كثر من الجمال الخارجي اللي هو جمال قابل للزوال.
الزوج ديال جينيفر و الأب ديال بنتها تعرض لمجموعة ديال الانتقادات من ناس قالوا على انه تزوجها غير على قبل الوراق و باللي مايستاهلها و الفول كايتعطى غير للي ماعندو ضروس و بزاف دالحوايج.. الشيء اللي خلا جينيفر تخرج من الصمت ديالها و تجاوب هاد الناس. لحقيقة هو ماشي بوكوص ولكن هادا هو الزواج.. باراكا من الغيرة و السم.. المغاربة اللي خاصهوم يجيو على ولد بلادهوم هوما اللي كايعطيوه للراس.. ماخلاو للمريكان مايقولوا.. و هادوك اللي كايهضرو ماكرهوش يتزوجوا حتى بقرة ميريكانية باش ياخدوا الغرين كارد.. بنادم ماكايحشمش

عصابة سرقات 500 بقرة مرة وحدة فنيوزيلاندا..كيدارولها؟

عصابة سرقات 500 بقرة مرة وحدة فنيوزيلاندا..كيدارولها؟

 

vache

أكبر شفرة ديال البقر فتاريخ نيوزيلندا
اندرو هوغارد رئيس اتحاد صناعة الالبان فنيوزيلاندا أكد ان السرقة ديال 500 بقرة دفعة وحدة هي أكبر سرقة عرفاتها نيوزيلاندا الي فيها 10 د المليون ديال البقر كثر من بنادم الي ساكن فيها، الشفارة الي سرقوا هاد العدد الكبير ديال البقر دبحوهوم وباعوا اللحوم ديالهم بالزربة بلا مايخافوا من البوليس الي مابقاش كايتسوق لهاد البلاغات ديال الشفرة ديال البقر طلعليهوم هادشي فالراس، يجيوا يشفروا بقرة مغربية الا معطاتوش بشي نطحة للراس بوووم.

النجم الأمريكي مات ديمون Matt Damon تزوج بارمانا وبخير

النجم الأمريكي مات ديمون Matt Damon تزوج بارمانا وبخير

 

mat

 

النجم الأمريكي الي كانبغيوه كلنا مات ديمون Matt Damon كان تايصور واحد الفيلم فميامي مشا لواحد البار باش يشرب كاس يرد بيه مزاجو سرباتو واحد البارمانا بوكوصة سميتها لوسيانا باروسو Luciana Barraso حماق وتسطى عليها وطلب يديها للزواج، صاحبوا الروح بالروح بين افليك Ben Afflek حضر للعرس وكان شاهد من الشهود ديال العرس.

وتصوروا دابا عندنا شي شخصية معروفة بزاف وتزوج ببارمانا، الدنيا كانت تنوض و متكعدش ويقولك ويلي بارمانا واش هادشي واش هاد الحالة ويجبدولها مسكينة الماضي والحاضر، ماكاين ماحسن من بحال الحرية فميريكان متيتسوقوش الي بغا يدير شي حاجة يديرها