اللحية و النقاب تديك للحبس فالشينوا

اللحية و النقاب تديك للحبس فالشينوا

hijabkss

العالم كلو كاينادي باحترام الأديان و الثقافات ديال الشعوب و حرية ممارسة المعتقدات الدينية شريطة أنها تكون ماكاتضرش بالأمن ديال البلد ولا كاتمس بالحريات ديال ناس اخرين. و هادشي تم المصادقة عليه من طرف كل دول العالم فالحصة 36 للجمعية العامة ديال الأمم المتحدة اللي كاتهتم ببحال هاد القضايا اللي عندهوم علاقة بحقوق الإنسان. ولكن واحد البلدة فالشينوا سميتها “شينجيانغ” واقيلا ماساقوش الخبار.
اتحكم على واحد الكوبل من الأقلية المسلمة فبلدة “شينجيانغ” بالحبس، و السبب هو أن الراجل مربي اللحية و مرتو دايرا النقاب.
حسب واحد الجريدة صينية، السلطات قدمات مجموعة ديال الإنذارات للراجل باش يحيد اللحية و مرتو باش تحيد النقاب ولكن ماداوهاش فيهوم. و كنتيجة، هو اتحكم عليه ب 6 سنين ديال الحبس و هي بعاماين.
هاد الحكم جا فإطار واحد الحملة من تنظيم السلطات المحلية ديال “شينجيانغ” و اللي كاتقضي بمنع اللحية و نزع الحجاب و النقاب، وهادي تقريبا عاماين باش بداوها.
تحية لهادوك حجابي عفتي اللي معمرين لي بواط بحجابهم و دايرينو غير باش يغطيو التشعكيك و التشكريد ديال شعرهم. كن كنتو فديك البلاصة فالشينوا غايكونو عندكم جوج حلول: إما تبقاو دايرين الحجاب و يديوكوم لعكاشة ديال شينجيانغ.. ولا تصلعوا. لا لا حشومة.. حيت نتوما عزاز علي غادي نعطيكم الحل.. كاينة واحد الترطيبة زوينة سميتها “دارك آند لافلي” و رخيصة.. سيروا ديروها و خليو عليكوم الحجاب لماليه يالمشعككات..

عاجل: المتحولين و المتحولات الجنسيين المغاربة … قادوا وراقيكم مزيـــان قبل ماتفكروا تمشيو للإمارات

عاجل: المتحولين و المتحولات الجنسيين المغاربة … قادوا وراقيكم مزيـــان قبل ماتفكروا تمشيو للإمارات

chng

جيجي لورين

كاتبقى دولة الإمارات العربية المتحدة، وخصوصا دبي، وحدة من الوجهات المفضلة عند بزاف ديال المشاهير العالميين بما في ذلك ممثلين، مغنيين، عارضي أزياء، وحتى منتجين. و فنفس الوقت، كاتبقى دبي كذالك الوجهة المفضلة للمتحولين و المتحولات جنسيا. غير هو إلا كنت من المتحولين حاول (ي) اتأكد (ي) أن الصورة اللي عندك فالباسبور كاتطابق الشكل الجديد ديالك ولا الجنس اللي تحولتي ليه حيت راه ماغايخليوكش تدخل (ي) للإمارات.
هادشي تماما اللي وقع ل جيجي لورين (غريغوري آلان لازاراتو سابقا)، و اللي كاتبلغ 24 عام، فاش حاولات تدخل الإمارات قبل ما يتم منعها حيت الباسبور ديالها كايقول أنها ذكر، و الصورة ديالها كاتبين نفس الشي، عكس الهيئة ديالها اللي كاتقول أنها أنثى.
أوضح واحد المسؤول فمطار دبي الدولى أنه ماتمش منع هاد العارضة الكندية لكونها متحولة جنسيا، لكن السبب هو عدم توفرها على وثائق سليمة كاتأكد الجنس الحقيقي ديالها و المعلومات الشخصية الأخرى بحال الإسم و الصورة.
نصيحة للمتحولين و المتحولات المغاربة… قادوا وراقيكم مزيـــان قبل ماتفكروا تمشيو للإمارات.

من الألعاب الأولمبية لأجمل مؤخرة برازيلية

من الألعاب الأولمبية لأجمل مؤخرة برازيلية

ass

 

الألعاب الأولمبية ماشي بوحدها شاغلة الناس هاد الأيام, كاين واحد الحدث ديال انتخاب أجمل مؤخرة الي تايسميوها فالبرازيل ‘بام بام’.

تجوقات واحد الجوقة عالمية ديال عباد الله فريو ديجانيرو الي جاو كولهوم تيجريو باش يشوفو صاحبة أكبر وأجمل مؤخرة، وناضت الحرب مابين البنات الي كولهوم بينو المؤخرات ديالهم وناضت المنافسة بيناتهم باش يكون اختيار ديال أجمل مؤخرة لان البنات المشاركات كولهوم كاين شرط واحد قبل مايدخلو للمسابقة هي انها خصها تبرهن بانها مادارت تا عملية تجميلية وماعمرها استعملات شي مواد كيميائية.

المؤخرات العامرة بالسليكون ممنوعة من المسابقة جينيفر لوبيز وكيم كارداشيان الي عندهوم أشهر المؤخرات في العالم غيموتو بالفقصة جاتهوم المنافسة…، كل واحد وهمو شي باغي يربح ميدالية وشي باغا يربح أجمل مؤخرة.

 

فضيحة الفقيه والتيتيزة ديالو

فضيحة الفقيه والتيتيزة ديالو

Khaled_amroppp

 

التجارة أنواع… كاين اللي كايتاجر فباطاطا، كاين اللي كايتاجر فالحوايج، كاين اللي كايتاجر فالعقار و الأراضي، كاين اللي كايتاجر فالطوموبيلات، و كاين اللي كايتاجر فالدّين. و بيني و بينكوم حتى التجارة فالدين فيـها اللعاقة المزيانة و راس المال ديالها رخيص. السطارطر باك ديال هاد التجارة كايشمل: شوية ديال اللحية.. حفض شي آيات قرآنية مع شي أحاديث.. لبس فوقية و شي طريبيش وأراك للفتوى. غير هو كاين شي تجار موديرن ماكايديروش اللحية ولكن فالمقابل كايديرو قلة الحيا.
البطل ديال هاد السكوب هو واحد الداعية إسلامي موديرن من صحاب بعد العشاء إفعل ما تشاء. هاد السيد اتشهر فقناة اقرأ شحااال هادي بالبرامج الدينية ديالو و اللي عامرة موتيفيشن و كاتحرك السينسيشن، الشيء اللي خلاه يحصل على شعبية كبيرة فمصر و الدول العربية كاملة.
السي الفقيه واخد راحدتوا عالآخر هاد اليامات فالمولات و المنتجعات السياحية… و الواعرة كاع هي أنه مرونها تيتيز. الصارحة إيلا جيتو تشوفو ماخاصناش نتاقدوه. هو السيد تاجر دين معروف (كأي تاجر فمجال آخر) و دوك اللتصاور ديالوا اللخرين عايش الحياة مع ديك التيتيزة كانو خلال الكونجي ديالو، يعني خارج أوقات العمل، يعني أوف ديوتي. فوقاش نقدروا نلوموه هي فاش يبان فشي برنامج و فوسط ساعات أداؤ الواجب فشي وضعية مخلة بالأخلاق الشيء اللي عمروا ماغادي يوقع. السيد بروفيسيونيل فخدمتو بزاف. و الواعرة هي فاش سولوه المحبين ديالو في الله على هادوك التصاور قاليهوم “لا تسألوني عنها.. اسألوني عن أمور الدين”.. اللهم قوي إيمانك يا شيخ.
أصلا أصلا نتوما مافهمتوش ال

سيد. عمرو خالد راه أحسن داعية فالعالم. مسكين كاينهينا حنا على فعل المنكر باش ندخلوا للجنة و هو مسكين كايدير هاكاك حيت ماكايهموش يدخل لجهنم ولا لا بقدر ماكايهموا أن لي فان ديالو يدخلوا للجنة. واو.. سبحان من سواك أسي عمرو. إيوا الله يلعن اللي ما يحشم.. كترتوا.

توقيف محمد العمراني أشهر طبيب جراح مغربي بلندن

توقيف محمد العمراني أشهر طبيب جراح  مغربي بلندن

 

Untitled-1

 

 

محمد العمراني، 53 عام، واحد من بين أشهر أطباء جراحة القلب فبريطانيا حاليا كايواجه تهم ديال الإغتصاب، التحرش و الإعتداء الجنسي على ربعة ديال الضحايا.
الجراح ذو الأصول المغربية و اللي كايخدم فمستشفى “هارلي ستريت” تقدم للمحكمة نهار الأربعاء بتهمة الإقدام على سلسلة ديال الاعتداءات الجنسية (11 الاعتداء) آخرها فماي 2014، و حالة اغتصاب كاترجع لسنة 2001.
حسب جريدة “الدايلي ميل” البريطانية، العمراني كايشتغل بإحدى أرقى و أكبر المستشقيات فلندن، و هاد الأخير اشتهر بالمسيرة المهنية ديالو المتألقة وشارك فعشرات عمليات القلب الناجحة إلى جانب أطباء مشهورين. كما أنه أستاذ محاضر فعدة جامعات فبريطانيا.
العمراني ، اللي كايسكن فقصر فمدينة لندن القيمة ديالو 1.7 مليون باوند ( تقريبا 22 مليون درهم مغربي) اتعطالو إطلاق سراح مشروط بضمان محل الإقامة، بعد ما تم توقيفوا بصورة نهائية عن العمل و تجميد الرخصة ديالو.

الملاكم المغربي حسن سعادة يفتتح الألعاب الأولمبية بفضيحة جنسية

الملاكم المغربي حسن سعادة يفتتح الألعاب الأولمبية بفضيحة جنسية

boxee

 

كيفما عودونا الرياضيين ديالنا ديما هازين الرّاية ديال المغريب فالمسابقات الدولية. ولكن كاينة واحد الفئة منهم فينما مشاو كايطيحوا بالدرابو و كايشوهونا.
الرأي العام الدولي مازال ما نسى الفضيحة ديال مدير فريق كرة القدم المغربي فالسويد وناض واحد البوكسور مغربي مشارك فالألعاب الأولمبية فالبرازيل كمل لينا اللي خاص.
البوليس ديال البرازيل القى القبض على حسن سعدة، البوكسور المغربي اللي عندو 22 عام، اليوم فالبرازيل قبل 14 ساعة على انطلاق الألعاب الأولمبية بريو دي جانيرو و السبب هو أنه تهجم على جوج عاملات نظافة فمقر الإقامة اللي مخصص للمشاركين و حاول يعتدي عليهوم جنسيا قل ما يتم التوقبف ديالو و اصدر قرار باحتجازوا لمدة 15 اليوم.
هادشي راه بزاف. هاد الكبت مابغاش يتفهملي كاع.. واش بنادم كايحسابلوا السيبة فالعالم غي كايخرج المغرب كايحسابلوا أي بنت دازت من حداه يقدر يحط عليها يديه و يقيس فيها. الله يعفو.

نفلا عن موقع francetvsport.fr

حتى التبرڭيڭ تايقتل

حتى التبرڭيڭ تايقتل

 

mnzah

 

التبركيك فالمغريب شي حاجة اللي جاري بيها العمل. الناس عندنا ماعمرهوم ما سمعوا بشي حاجة سميتها احترام الخصوصيات و دايما كايبغيو يدخلوا راسهوم فشي حوايج اللي ماشي سوقهوم. و دابا المشكل كون غي كانت بالفايدة. و مع المغاربة نيتهم زوينة بزاف تبارك الله وعزيز عليهوم الاستنتاجات ديال المحقق كونان.. يقدرو يصيفطوك للحبس؛ وفبعض الأحيان للقبر غي بهاد التركيك و النية الناقصة ديالهوم.
القضية ديال اليوم هزات جميع مواقع التواصل الاجتماعي. القصة بدات فاش واحد ولد الباك عرض على صاحبتوا لدارهوم اللي كاتواجد فإقامة المنزه 6 فمراكش. ناضت واحد العقروشة من صحابات الحال اللي هضرنا عليهم فاللول و شافت الدري و البنت داخلين للشقة.. وحيت هي دايرا خدمتها على حقها وطريقها كانت عارفة باللي مالين دارهوم ما كاينينش و استنتجات باللي الولد ناوي يدير شي فضيحة. بلاصت ما تدق عليه و تحاول تهضر معاه و تنصحو باش يدير عقلوا، ناضت لالاهوم سدات عليهوم الباب من برا بالساروت (حيت نساوه لاصق برا) و عيطات للبوليس. الدري مسكين تخلع وخاف من الشوهة. و دابا حتى كن ماكانش عوال يدير شي حاجة التهمة لاصقة عليه و بلا مانعاودليكم على الشوهة اللي ممكن توقع للدري والبنت و نتوما عارفين المغاربة كي كايموتوا على الفضايح. الدري ضرب هاد الحسابات كاملين فراسو و قرر باش يغامر بحياتو باش مايوقعش هادشي. خرج للبالكون و حاول يتدلا لبرا باش يخرج و يحل الباب ولكن المسكين طاح ومات فبلاصتو.
الناس كايتكريساو و كايتسرقو فديورهم كل نهار و ماكاينش اللي يعاونك باش تعرف الشفارا، ولكن فبحال هاد البلانات المغاربا حاضرين. بحال الى تقولو المنكر فالمغريب محصور غي فالعلاقات الغرامية بين دري و بنت. كايغمضو عينيهم على المنكر ديال الرشاوي اللي كايدور كل نهار فالمقاطعات و الإدارات، المنكر ديال البيستون و عدم تكافؤ الفراص فالولوج للمدارس و الخدمة، المنكر ديار الراجل اللي كايعطي قتلة لمرتو و كايصيفط ولادو يخدمو ولا يسعاو بلاصت مايصيفطهوم للمدرسة… و اللائحة طويلة بزاف. أنا متأكد أن هاد المرة عمرها تسامح راسها.. وحتى الى ساحات راسها العائلة ديال الولد و لا المغاربة كاملين عمرهوم يسامحوها.
كانتمنا هاد القصة تكون درس و الناس ياخدو العبرة نخدمو عقلنا فبحال هاد الحالات.

نهاية الاعلامية السحارة

نهاية الاعلامية السحارة

 

Gossip_media

 

الإعلامية المشعوذة
بزاف ديال الناس كايحسابليهوم باللي الأميّة هي وحدة من المشاكل الكبيرة اللي كاتواجه بلادنا. و حاليا ولينا كانسمعوا باللي مجموعة ديال المنظمات الحكومية و غير الحكومية و دور القرأن و المؤسسات التعليمية ولاو كايقدموا دروس لمحو الأمية لفائدة هادوك الناس اللي ما عمرهم مشاو المدرسة. ديزولي ولكن راكم غالطين.. المشكل الكبير اللي بسبابوا عمر بلادنا تزيد للقدام هو “الجهل”. علاش..؟ حيث يقدر يكون الواحد أمّي ماكايعرف لا يكتب ولايقرا و تلقاه مثقف و واعي و عارف بزاف ديال الحوايج (وهادشي نقدرو نلاحظوه مثلا فجدودنا اللي عمرهوم عرفوا المدرسة كي دايرا ولكن فينما جيتيهم يسكتوك). أما الجهل، راه يقدر يكون الواحد عندو إجازة، ماستر، وحتى الدوكتوراه و ماخلا فين قرا ولكن عندوا الزعلوك فالراس و تفكيروا بدائي.

السيدة على من غادي نهضروا هاد المرة هي سفيرة الجهل و الجهلاء فبلادنا… هي الفيرسيون الجديدة ديال أبو جهل.. آخر ماكاين فالسوق.. هاد السيدة وحدة من دوك اللي دخلوا للصحافة من أوسع و أكبر و أسهل الأبواب (زعما تصاحبات مع المدير ديال ديك المؤسسة الإعلامية) ودابا المشكل أنها ولات مديرة قسم بطولو و عرضو فديك المؤسسة… آي سوير. القضية كانت مفروطة بزاف لدرجة أن الناس اللي خدّامين تماك كاملين عاقوا بداكشي اللي كان واقع ولكن حتى واحد ماقدر يهضر حيت القضية داخل فيها المدير.
المهم دازت الوقت و داك المدير و مشا و جا بلاصتو واحد جديد. واحد النهار كان حارس الأمن ديال ديك المؤسسة كايقوم بجولة روتينية و هو يبان ليه الضو خارج من البيرو. دخل و هو يلقى الشمع البيض والملون مشعول و هو يطير عند الباطرون الجديد (اللي ما كايحملش صاحبتنا) و قالو آش لقى. ناضو عيطوا البوليس.. مللي جاو البوليس و شافو داكشي عيطولها باش يسولوها على ديك الفضيحة اللي دايرة فالبيرو. صاحبتنا حيت مطورة بزاف و قافزة مع راسها قالتلهوم باللي تكيفات فالبيرو و شعلات داك الشمع باش تمشي الريحة على أساس أن البوليس ديال المغرب راه كايرضعو صبعهوم… واش اللي كايجبدوا دواعشا قبل مايفكروا يديرو شي حاجة غادي تدوزيهوم نتي؟ أصلا القضية كانت مفروطة حيت لقاو سمية فلان ولد فلانة و داكشي ديال الطلاميس. السيدة كانت باغية تعطيه دقة صحيحة و تولي هي الباطرونة.
هاد القضية دارت بووووم فالصحافة الإلكترونية و على مواقع التواصل الإجتماعي و فضيحتها صارت على كل لسان.. الشيء اللي دفعها باش تقدم اتسقالتها و غبرات وجهها.
هادشي ولا كايخلع بزاف. دابا تا المدير اللول مسكين فاش دارها رئيسة قسم راه ماشي لخاطروا. بحال هادو كايخليوك تفقد الثقة فمرة و تبقى غادي وحاضي جنابك. أنا كنت شفتها مؤخرا فواحد الحفلة و قولت لصحابي حضيو ريوسكوم لا تشعلكوم شي شميعة تا نتوما ولا تضربكوم بشي تعويذة تجيبلكوم التمام. إوا شفتو الجهل كي داير؟ الحاصول الله يعفو و صافي.

المحجبة والغرامة هاي هاي

المحجبة والغرامة هاي هاي

 

mhjba

 

فاش كايجي الليل، و الناس كايساليو خدمتهوم و وكايمشيو لديورهوم عند عائلتهوم ولا وليداتهوم كاتكون واحد الفئة عاد كاتفكر واش تفيق من نعاس ولا لا.. هاد الناس كايطلع عندهوم النهار بالليل. نعم يا سادة، إنهم الخفافيش. مانقدرش ننكر باللي حتى أنا واحد من هاد الفئة، ولكن الفرق كاين فالسبب علاش كل واحد فينا كايفيق حتى لهاد الوقيتة. بالنسبة ليا أنا، و بصفتي صحفي فعالم السهرات و الحفلات و الشوبيز، كيخصني نحضر لمجموعة ديال الحفلات و السهرات اللي تقريبا كلها كاتكون فالليل، و ما أدراكم ما الليل. فكل مرة كايدوزو قدامي شي لقطات راه بزاف. واخا نكتب كتاب على داكشي اللي كايوقع فالكاباريهات و الملاهي الليلية ما غاديش يكفيني. السلامة ياربي.
مؤخرا كنا معروضين للافتتاح ديال واحد الريسطو أوريونطال فكازا مع مجموعة ديال الإعلاميين و المدعووين. واحد الشوية بداو المغنيين و الراقصات كايديرو العروض ديالهوم و إذا بكلشي كايتفاجئ فاش نانضت واحد الفرفارة بالحجاب ديالها (من لفوق قناة إقرأ و من لتحت روتانا سينما مش حتقدر تغمض عينيك..) تشوفوها برّا تقولوا هادي واقيلا كاتدير الموعظة أولا أستاذة ديال التربية إسلامية. المهم السيدة ناضت كاتشطح و تحيّح قالت للراقصة شي معرفتيه. واحد الشوية شفناها جبدات الصاك و بدات كاتغرم…
البنية عركاتها شراب، السيرفور بقا خدام معاها غي هي كاس يتبع كاس. طلعاتلها البويقة و هي تبدا عليهم أيوة يا حبيبي..ارقص ارقص. و شوية و هي تنوض النسخة المحجّبة ديال الأستاذة فيفي عبده و بدات بالشطيح و التلواز. الناس ما فهموا والوا. شي وحدين فسّروا هاد الحالة بأنه يقدر يكون شعرها من نوع ‘الجيكس’ و ماقدهاش الوقت باش دير بروشينغ داكشي علاش قررات اتّوب فداك النهار ودارت الحجاب مسكينة. وحدة قالت لصاحبتها: “آويلي آش هادشي؟” ردات عليها: ” أهادشي هوا لاموض دابا، ولاو يغطيو الفوق و يعريو التحت.”
أنا ماشي فقيه ولا داعية، ولكن أنا شخص كايحتارم الخصوصيات الدينية و الثقافية ديال الشعوب كاملين. راه حشومة تديري الدرة اللي كاترمز لشي حاجة مقدسة عند المسلمين و تديري بيها هاد الفضيحة. المشكل هو أنك تشطرتي باش تشري باكية ديال “دارك آند لافلي” ب 70 درهم و ترطبي شعرك وفالمقابل صدقتي مشوهة بالبنات اللي كايديروا الحجاب كاملين. لنغير سلوكنا

بوطا مازوط و لهضر يرعف

بوطا مازوط و لهضر يرعفAffichage de lady_boxer.jpg en cours...

botomazotpngAffichage de lady_boxer.jpg en cours...

منين كانمشي لمريكان – لوس آنجلس، وكانكون كانتسارا فواحد من الشوارع الكبيرة ديالها بحال ‘السانست” ولا “ويست هوليود” كانتصادف مع مجموعة من النجوم فعالم السينما و الموسيقى و اللي عندهوم جمهور فالعالم كامل و مكاينش اللي ماكايعرفهومش بحال طوم كروز، رونالدينيو ديكابريو (خلاتها سينـا)، ليدي غاغا، جينيفر لوبيز… الغريب فالأمر هو التواضع و الأدب و البشاشة اللي كايستقبلو بيها لي فان ديالهوم اللي غالبا ما كايهجموا عليهوم باش يتصوروا و لا ياخدو التوقيع ديالهوم. و الواعرة كاع هي شي بعض المرات كايطلبو من الحرس الشخصي ديالهوم باش يبعدوا و يخليوهوم ياخدو راحتهم مع الجمهور ديالهوم حيت كايعرفوا بقيمتو و عارفين باللي هو اللي وصلهوم فين راهم دابا.
دابا أنا كانتخايل الفنانين ديال المغرب عندهم حرس شخصي (من غير هادوك الحرس ديال جوج دريال اللي دايرين بحال النفاخة و اللي كايكريوهم غي من الصيف للصيف فاش كاتكون دايرة الحركة). ناري نسيت، الفنانين ديالنا مايحتاجوش بودي جارد وداكشي ديال الآكشن بحال فالميريكان حيت تبارك الله عليهوم ميلتي طاسك (على القرص)… وا هوما بلا حرس بلا والو و كايعطيو للناس قتلة عاد إلى كان عندهوم اللي يعاونهوم. الحاصول، غي الله يحفظ الشعب المغربي و صافي هادشي مابقاش يعجب.. دابا غايخص الشعب يبقا يخاف من جوج حوايج: الزرواطة ديال السّيمي و البونية ديال الممثلين. و البروبليم هو أن ماشي رجال اللي كايديروا هاد الفضايح.. وا عيالات أعباد الله (يا حسرتاه على الأنوثة).

بيان سوغ كلشي سمع بديك الفضيحة ديال ديك لالة البقرة (من حُسن حظ التلفزة المغربية أن صحاباتها عطاوها النمرة ديال دكتور تجميل اللي شفطها و حيدلها داك الخليع اللي كان عندها فالجناب). أول جاجة دارت جات وقفات و ما شداتش الصف مع خواتاتها و خوتها المغاربة حيت واقيلا ولات كاتحس براسها زايدة عليهوم نغزة، و مللي جات واحد التلميذة تهضر على حقها ناضتلها مي الغولة و عطاتها بتصرفيقا و جففات بيها الارض ديال البلدية (أصلا هادي هي الخدمة اللي تجي معاها) و مللي دافعات البنت على راسها دارت فيها لالاهوم موتة حمارة. ولكن المغاربة عاقوا بالبتبوحيط ديالها حيت هوما ماشي مكلخين و هادشي لاحظناه من خلال لي كومونطير ديالهوم فالفايسبوك.

جينا نديرو الشو بيز مي الله غالب ماكاينش معامن داكشي علاش قلبناها شوهة بيز. أشمن شوبيز غادير مع فنانين كروشوم كاترعاها شركة ‘ميزيدور’ و ما كايعرفو حتى يلبسو فالمهرجانات، ولا فنانات موسطاشهوم كايبان كثر من ديال رجالهوم فاش كاتكون كاتصور معاهوم. المهم الهدف من هادشي كامل هو نوصلوا فكرة وحدة للفنانين ديالنا و اللي كانبغيوهوم (بالسيف علينا بقوة ماكانشوفوهم فالإشهارات و المسلسلات و جرائد الفضايح): لنرتــــقي.