الكبت الجنسي سبب الشوهة المغربية في السويد

الكبت الجنسي سبب الشوهة المغربية في السويد

 

pompom

 

فاش كانغادرو أرض الوطن فاتجاه دولة أخرى باش نشاركوا فشي حدث، مؤتمر، ولا حتى غي سياحة، راه كانكونو سفراء ديال بلادنا فديك البلاصة، و أي تصرف، كان خايب ولا زوين، كايخلي الناس ديال ديك الدولة يكُوّنوا إما صورة إيجابية ولا سلبية على الشعب ديالنا كامل.

معلوم غادي تكونو سمعتو بالسكاندال ديال الفريق المغربي للي مشا باش يشارك فواحد المسابقة عالمية ديال كرة القدم فالسويد و لكن أعضاء الفريق و المرافقين ماقدروش يتمالكوا راسهم قدام بنات سويديات (قاصرات يا حسرة) وحاولو يمارسو عليهم داكشي كامل اللي تعلموا من الموقع الأزرق (ماشي فايسبوك).

الشوهة الكبيرة هي أن  وسائل الإعلام الغربية هضرات على هاد الفضيحة و عطات أدلّة كاتثبث تورط الفريق المغربي عامة و المدير ديالو على وجه الخصوص فعملية التحرش اللي كان من الممكن تتحول لاغتصاب كون ما تدخلوش رجال الأمن.

بدات الروينة تقريبا فاش حاول  شي ثلاثين حتى لربعين مغربي ياخدو صور مع ثلاتة ديال البنات سويديات عندهم 16 لعام (باش يحطوا تضاورهوم معاهم فالفايس و الإنسطاجرام و يعيقوا على صحابهم) و لكن ماشي كلهم كانت عندهم نفس النية حيت الماناجر، اللي عندو 35 عام و شي أعضاء من الفريق كانوا عوالين يديروا حوايج اخرين (الله يسامحهوم).

sweedpicحسب جريدة سويدية، هاد المدير التقني و الأعضاء ديال الفريق المغربي بقاو كايدخلوا يديهوم تحت الحوايج ديال البنات، قبل ما تجرأ المدير ديال والو و بدا كايبوس و كايدخل لسانوا فالفم ديال وحدة فيهوم (الفقيه اللي تسنينا براكتو دخل الجامع بصندالتو)، اللي تخلعات و بقات كاتغوت حتى جاو البوليس و اعتقلوه و أمرو بترحيل الأعضاء لاخرين لبلادهوم لحبيبة اللي هازالهوم هبالهوم و قابلة على الكبت ديالهوم.

ما تقدرش تتوقع شنو يقدر مغربي يدير فاش كايشوف القشدة الطرية.. دابا خاص الدول الغربية بلاصت ماتبقى تقلب فالسجل العدلي ديالنا قبل ما تعطينا الفيزا يدوزونا فجهاز “كشف الكبت” باش ما توقعش شي فضيحة عاوتاني.

دابا أنا بقا فيا راسي حيت ما بقاش عندي الوجه باش نهضر مع صحابي اللي فالسويد.. حسن عوان المغاربة اللي عايشين تما (واللي ماشي مكبوتين).

البيمبو الكازوية

البيمبو الكازوية

 

bimbo

 

فالميريكان منين تانقولو “البيمبو”- Bimbo هاد الكلمة تاتعني بنت مبوقصة ولكن راسها خاوي. حنا عندنا “البيمبو”  – Bimbo ماشي بقوصة وراسها خاوي – بجوج… يا ربي السلامة. هاد الأيام كازا كلها كاتهضر على “البيمبو” -Bimbo اللي مشات لبيروت و شرات لقب “ميس شي حاجة” (تماّ عندهم عادي تشري أي لقب ماكاينش الموشكيل)  و  وزادتها بنفيخ وجهها بالبوطوكس تماّ قبل ما ترجع المغرب و تلعب علينا نجمة النجوم (تعلق العشرة).

“البيمبو” – Bimbo ديال كازا اللي جايا من حي شعبي بغات تمسح الماضي ديالها و أيام الفقر بالدّوران فالأماكن الراقية باش تعطي لراسها صورة فاشن. لكن المغاربة ماشي مكلخين، و عاقو بالألقاب و اللايكات اللي كايشريوها أشباه هاد النماذج البوكحفانية على المواقع الإجتماعية باش يديرو لراسهم سمعة و شهرة. قاليك بغات ديرها بكازاوا…لوووول.  جات تا لبلاصة القفوزية و التنوزيق و بغات ترّد راسها بنت القاع و الباع..الصراحة باش مانظلموهاش القاع كاين ولكن الباع الله يجيب.

يتبع…