شرطي من تيكساس فبرك الموت ديالو وهرب للمكسيك

شرطي فعمرو 28 سنة متهم بالتزوير من الدرجة الأولى لحقاش شاكين انه فبرك الموت ديالو باش يهرب للمكسيس، وإتهمو مراتو بالتواطؤ معه في فبركة القصة
المهم هاد خونا سميتو مارتن ومراتو منين سولوها البوليس، قالت ليهم كان مقلق بزاف وخرج وهو كايقول ليها ( أنا محتاج للوقت باش نخوي راسي ) ومن بعدها سيفط ليها صورة ديال رسالة خلاها كاتقول انه غادي ينتحر وغايلوح راسو في بركة قريبة من حدود المكسيك
جاو البوليس تبعو الطريق لي كاتدي لحدود المكسيس لقاوه جبد 300 دولار دار منها المازوط وشرا ماياكل وشرا طوف باش يقطع البحيرة، يعني هادشي ماغاديش يديرو واحد بغا ينتحر، ولكن واحد بغا يهرب للمكسيك
البوليس من بعد لقاو السيارة ديالو ولقاو الطوف بعيد عليها بشي كيلو مترات قليلة، وقلبو البحيرة مالقاوش فيها الجثة ديالو وما عندو أثر
من بعد البوليس إكتشفو ان مارتن عندو علاقة مع مرأة أخرى غير مراتو، وجات مراتو من بعد إعترفت ان كلشي مفبرك و ورات ليهم رسالة ديالو لي سيفط ليها من بعد ما وصل للمكسيك

سكارلت جونسون إكتشفت أن واحد الجدة كاتشبه ليها وبغات تسكر هي وياها

واحد النهار دري سميتو راديت دانڤيجول نشر صورة لجدته وقال انها كاتشبه ل ( سكارلت جونسون ) وقال ان الصورة كانت سنة 1967 ، المهم هاد الصورة دارت بوم شافوها الناس بزاف تقريبا 2.6 مليون مشاهدة، ومنين شافت الجدة هادشي قالت انها كانت عيانة ومنغمة فديك اللقطة هههه
الحفيذ لي نشر الصورة دغيا بانو ليه الناس تفاعلو ودخل للمباشر في اليوتوب قاليهم بغيتها تلتقي بجدتي ويشربو مجموعين وتمشي معاها تشاهد الفيلم الجديد للمثلة سكارلت كيف كايديرو ڭاع المتشابهين جدا منين كايلتقيو أول مرة
من بعد دارت سكارلت جونسون بت مباشر وقالت ليهم ان الجدة قالت انها كانت سكرانة في التصويرة وقالت ليهم دبا غانسكرو كلنا معها باش نبانو كلنا سكرانين ويالاه لي حداه شي كاس يهزو
ومن بعد سيفطات رسالة للجدة باش تلتقي بها ومعها دعوة لمشاهدة فيلم، وقالت ليها مرحبا بك عندي ومنين تجي كلشي على حسابي، باش نحتفلو انا وياك

As one does.

التخفي، ظاهرة جنسيه ولات كاتنتاشر بزاف

هذه الظاهرة ولاو كايديروها الرجال بزاف منين كايكونو كايمارسو الجنس مع زوجاتهم ولا عشيقاتهم، المهم باش تفهمو الستون، الراجل كايبدا مع البنت في الجنس ومنين كايكونو سافي إنسجمو بلا ماتحس البنت كايحيد الواقي الذكري وكايكمل وهي بطبيعة الحال ما كاتعيقش بيه
العيالات كايصنفو هادشي كانه إغتصاب علاش ؟ لحقاش كاتكون مطمئنة في وجود الواقي الذكري ولكن منين كايحيدو تقدر تحمل منو وهي ماباغياش، ويقدر ينقل ليها أمراض مثل السيدا والسيفيليس والأمراض المنتقلة جنسيا بصفة عامة
وفي نفس السياق واحد الرجل دخل للحبس في شهر يناير هاد العام بسبب انه حيد الواقي الذكري بلا ما قالها للشريكة ديالو


 

واحد الجبل ديال الجليد وقف قرب قرية في كندا

واحد القرية في كندا وقف حداها جبل جليدي ضخم الطول ديالو قد الطول ديال 15 طابق في البنايات السكنية، وقالو سكان القرية انهم عمرهم ما شافو جبل جليدي متحرك بهذا الحجم، وانه ديما كادوز من حداهم طروفة ديال الثلج دايبين ولكن هذا راه ضخم بزاف قد الجبال، وأضافو بأنه بسبابو القرية زارها أكثر من مئات السياح في الويكاند لي فات، وعجبهم الحال لحقاش قريب بزاف من القرية وكايتصورو معه صور زوينة

الخبراء قالو أن هذا العام أصلا أن الطروفة ديال الثلج جا منهم عدد كبير بسبب الإنحباس الحراري وهذا الجبل الضخم تحيد من بلاصتو لنفس السبب وهذا يعني ناقوس إنذار للعناية بالبيئة

حسب الناس ديال السياحة هاد القرية مهتمة بالسياحة وكايجيو ليها الناس يشوفو الجليد لي دايز في الواد والطيور والحيتان

أكثر معجب بسامپسون دارو ليه تاتواج في يدو كلها فيه رسومات شخصيات سامپسون

المعجبون بالسلسلة الكارتونية سامپسون يقدرو يكونو كايبغيوه بزاف ومرتابطين بيه ولكن قليل لي وفي للسلسلة الشهيرة بحال ريكي ڤينر، هاد خونا فالله من مدينة ويلتشير بإنجلترا فالعمر ديالو 32 سنة. المهم هاد خونا دار يدو ديال اليمين كلها طاطواج موشوم فيها صور شخصيات سلسلة سيمپسون وصل عددها ل 52 صورة، ويقول انه شاف واحد الراجل حتى هو كايموت على سيمپسون داير فضهرو 203 ديال تصاور سيمپسون وفعمرو 52 سنة، ومن تما جاه الإلهام يديرهم حتى هو لحقاش حسب قوله كايعشق وكايموت على السيمپسون بحال الدراري الصغار
وكايقول ڤيني انه ماكرهش يدير رقم قياسي في كتاب ڭينيز، ديال اكثر صور شخصية كارتونية في جسم إنسان
عملية الوشم تطلبات منو 14 ساعة ديال الالم و 642 دولار وقال لك من بعد بغا يلونهم وباش يدخل لكتاب ڭينيز ضروري خاصو ورقة من طبيب ديال الجلد بلي هذا الوشم حقيقي وليس مزيف
هذا هو الحب والإعجاب وإلا فلا

أفعى متؤثرة بجراحها تهاجم راكب دراجة نارية

تنشرات واحد الڤيديو ديال راكب دراجة نارية في طريق في الطايلاند، كان غادي ما عليه ما بيه، واحد اللحظة هاجماتو أفعى من الجنب حتى لقاها فوق رجليه، في الأول بانت ليه سحلية في الطريق ماكاتحركاتش ومنين وصل عندها جا في الوقت لي الأفعى هاجمات، وجات فيه هو، من بعد نزلو لقاو الافعى مايتة لحقاش السيارة لي كانت تابعاه وكاتصور الڤيديو دازت فوق منها
ڤيديو آخر في البرازيل ديال راكب دراجة نارية غادي ماعليه مابيه حتى لقا إفعى صفراء فوق الطابلو لي كايبين السرعة في الدراجة
وصية لراكبي الدراجات، الأفاعي لي كايديرو أوطو صطوب بانو لي كترو هاد ليامات ههههه، حضىو راسكم

 

 

 

أستاذة من آريزونا عمرها 26 سنة دارت إيحائت جنسية منين كان شاعلة الكامرة وكاتهضر فيها مع تلميذ ديالها فعمرو 13 سنة

كارا لوفبروغ أستاذة ديال السابعة شدوها البوليس بعدما سيفطات تصاور جنسية لتلميذ دياله وكان كايستمني في محادثة ڤيديو مع تلميذ ديالها، وقالت ليهم انه طلبت من الطفل يلعب بالصدر ديالها في المحادثة

المعلمة غادي يتاهموها بالتغرير بقاصر وبتهمة التعري العلني 
الولد قال للبوليس انها سيفطات ليه تصاور ديال صدرها والمسائل ديالها ( راك فاهم ) وڤيديو ديالها كاتمارس الجنس والعياذ بالله مع واحد الراجل، وهي إعترفت أنها كانت عارفة بلي الولد العمر ديالو 13 سنة فقط
المسؤولين في المدرسة قالو بانها من 30 مارس ماجات لأسباب شخصية، وأنهم عمرهوم شكو فيها دير بحال هاد التصرفات، وأن تعليم وحماية التلاميذ هي من أولوياتهم وبأن الحادث خربق ليهم وراقهم وخلاهم تالفين وماعرفو مايديرو
بصح هاد الزمان ولا كايتلف، وكحل الراس عمرك ما تعرف شنو تحت راسو

The teacher also admitted that she had asked the boy to kiss her breasts

واحد جوج توام متلاصقين مابغاوش يتفارقو وخا الطبيب كايقول ليهم كاين خطر على صحتهم

كارمن و ليپيطا آندرياس تولدو ملاصقين والطبيب قال لواليديهم بلي ماغايعيشوش اكثر من 3 أيام، هما دابا في عمرهم 16 سنة وعايشين مزيان، ولكن فهاد المرحلة بداو كايعانيو من مشاكل صحية، ولكن هما عازمين مايتفارقوش ومايديروش عملية تقدر تقتل شي وحدة فيهم، وكما قالت كارمن، إضافة للخطر ديال العملية، كاين العامل النفساني، وبلي هما تولفو يعيشو مع بعضياتهم 
الابوين داوهم لميريكان يشوفهم طبيب مختص، ولقاو كل وحدة عندها قلبها ومعدتها والريئتين ديالها ويديها، ولكن قال ليهم الطبيب انهم كايتشاركو في الاضلع والجهاز الهضمي والدم، وبلي العملية باش يتفرقو تقدر تدير ليهم مشاكل في الجهاز العصبي وتقد تقتلهم
ورغم كل هذه المشاكل الصحية البنات قدرو يتفوقو في المدرسة ويندامجو في المجتمع بكل سهولة، وقالو بلي هما مختلفتان واصدقائهم المقربين كايؤكدو هذه المسئلة وكايحسو بلي كل وحدة وشخصيتها وطريقة تفكيرها
وهكذا ورغم كل المشاكل هاد جوج بنيتات قررو يبقآو ملاصقين ويعيشو حياتهم احسن ما تموت شي وحدة فيهم بسبب العملية


 

حمامة دخلات لشقه في نيويورك ودارع عش في صفاية ديال المعجنات وولدات فيها البيض

جونڤياڤ رومان بنت من حي بروكلين في نيويورك سافرات شي شهورة ومنين رجعات لقات حمامة دخلات من واحد السرجم نساتو محلول ودارت عش في الكوزينة وحاضنة على البيض
رومان مابغاتش تزعج الحمامة وخلاتها تكمل الحضانة عندها وسماتها ( آديليد )، وقالت بلي تاصلات بجمعيات رعاية الحيوانات وحتى واحد ما بغا يعاونها
جونڤياڤ لي كاتخدم كمحامية للمهاجرين، قالت بلي هي فرحانة بصديقتها الجديدة في السكن ووأنها غير منزعجة منها، ودارت صفحة في آنستاغرام بإسم الحمامة ( آدليد ) ههههه
المختصين في الحيوانات قالو بلي الحمام يقدر يجيب للدار نوع من القمل والفطريات ولكن جونڤياڤ إنسانة كاتشفق على الحيوانات وماعندها حتى مشكل تبقو معها الحمامة حتى تفقس وتكبر ولادها وقالت : عارفة ان هذا جنوني ولكن لحد الآن كلشي مزيان وحتى الحمامة ماكاديرش الوسخ في الدار بزاف وهي مخلياها فراحتها

hmama2

أم المجرم تود كوهل هيپ، لقاوها مايتة فدارها عن عمر يناهز 70 سنة بعدما إعترف ولدها أنه قتل 7 ديال الناس

الشرطة قالت بلي الجثة ديالها لقاها راجلها في المنزل ديالها، تود كوهل هيپ كان كايبيع ويشري في المواد المنزلية، واحد النهار لقاو مرا مربوطة فڭاراج في الملكية ديالو وإتاهموه بجرائم قتل في 4 مرات، الام ديالو مسكينة منين كانت عايشة قالت في لقاء تلفزي أن ولدها غير ما فهموهش وأنه ماشي وحش ودار الجرائم غير بالغريزة
الشرطة قالت أن وفاة السيدة (طاڭ) عادي ولا علاقة له بجرائم الولد ديالها، وأن ولدها يقدر يدوز الحياة ديالو كلها في الحبس بعدما إعترف بالجرائم ديالو، وأنه نقذو المرا لي لقاو في الڭاراج وسميتها كالا براون وعمرها 30 سنة
من بعد يومين فقط منين شدوه، كوهل هيپ إعترف للبوليس بكلشي وبلي قتل راجل نهار النوويل وإحتجر المرا ديالو، وبلي قتل 4 آخرين ف 2003
الله يستر من بحال هاد الوحوش البشرية لي كايقتلو بلا رحمة وعندهم عادي