المتهم بقتل عدائة مدينة نيويورك قال بلي دار داكشي باش يخرج الأحاسيس ديالو

لويس الرجل لي ضرب العدائة كاترينا ڤاطرانو حتى ماتت، قال للشرطة انه كان غضبان بزاف وهذا هو السبب الوحيد لي خلاه يضربها باش يتكالما وأنه إختارها عشوائيا
المحكمة بعدها حكمت على لويس بتهمتي التحرش الجنسي والقتل
وقال لويس للشرطة ان يعتذرو لأمه وعائلة الضحية على ما قمت به

الشرطة لقاو الحمض النووي ديال لويس في أضافر الضحية لي كانت جرحاتو فوجهو منين كانت كادافع على راسها وهذا كان دليل أساسي في قضية الإعتقال ديالو

جيسيكا كانو ضربوها بالحمض لوجهها وتحرقات واليوم أول مرة تظهر للعموم بعد الحادت

جيسيكا نوراتو من أجمل جميلات إيطاليا، تفارقات هذه السنة مع حبيبها جورج إيدسون طاڤاريس، ناض هو خوا عليها قرعة ديال الحمض فوجهها باش ماتبقاش زوينة، قالت جيسيكا في لقاء صحفي << كنت كاندعي الله والحمض كاياكل فوجهي، باش يبقاو لي غير عينيا والجمال ماشي مشكل يلا مشى >> وقالت بلي ولات كاتخسر فلوسها كلها على الدوا وماتقدرش تخدم الخدمة لي كانت كادير ( عاملة في حوض أسماك ) لحقاش ما خاصهاش وجهها يتقاس بالما 
جيسيكا كاتشافا من الحادثة بشكل بطيء وكاتحمد الله بقاو ليها عينيها والصوت ديالها، وقالت حتى نيفها وفمها ماتقاصوش بزاف، وذكر بأن الجاني خوا عليها القرعة كلها لآخر قطرة وكان باغي وجها كله يتشوه
جيسيكا قالت في الاخير ان كل ما تتمناه هو يشوفها هذا المجرم في الحالة لي وصلات ليها باش يعرف مدى مأساوية وقبح داكشي لي وقع ليها

Gessica Notaro getty

Gessica Notaro Instagram

أم أسائت لإبنها وعمته نشرت ڤيديو على فيسبوك باش تعاونو

جانيت بيتيركين من تكساس عمرها 23 سنة حكمو عليها بغرامة قدرها 15 ألف دولار بسبب سوء معاملتها لإبنها لي فعمرو سنة واحدة، جانيت دارت الراس ديال ولدها في ميكة پلاستيك وسداتلو فمو حتى هو بكيس پلاستيكي
عمة والولد وإسمها رانيشا بروادناكس منين شافت هاد شي ناضت فضحتها في الفيسبوك ودارت ڤيديوهات كاتبين حروق على جسم الطفل وسوء معاملة أمه له، وقالت ليهم عمتو انها نشرت الڤيديوهات في الفيسبوك لأن البوليس ماكانوش كايجاوبو على الرسائل ديالهاوالولد دابا راه مه جدته وحكمو على الأم ديالو تبقى بعيدة عليه ديما بمسافة أكثر من 200 متر


قاتل الفيسبوك ينتحر

ستيڤ ستيفان، لي دار ڤيديو في فيسبوك كايقتل فيها جده، عرفوه البوليس فين كاين وطاردوه مدة قصيرة ومنين حس براسو غادي يتشد إنتحر حسب شهادة الشرطة
من بعد الشرطة نبشات فحياتو ولقاو بلي كان عضو جمعوي فعال فجمعية للأطفال
ستيفان كان عندو إخوان ديالو في الاخوية وقالو : دعواتنا وعزائنا لكل العائلات التي تأثرت بڤيديوهات ستيفان
صديقة ستيفان قالت ليهم قلبي وعزائي موجه لعائلة الضحية، وهي مازالة مخبية منهم باش مايقتلوهاش، وقالت بأن ستيفان رجل مزيان وكايعاون الناس، وعاونها هي وأولادها
حسب ڤيديوهات ستيفن فإن الضحية تم إختياره إعتباطيا وإعتبر في المكان الخطأ في الوقت الخطأ
وسبق وقال ستيفن فواحد الڤيديو انه قتل 13 واحد ولكن الشرطة ماعندها حتى دليل على هادشي ومازالت تجري تحريات في هذا الموضوع


البوليس قالك واحد الولد نسى شي وراق ديالو في المدرسة، حرقاتو الأم ديالو بالحديد سخون

مرأة سميتها ناطاشا جين، عندها 32 سنة، ولدها جا من المدرسة ونسا ماجابش الوراق ديال الفروض المنزلية باش يخدم، هي منين عرفات هادشي ناضت سخنات حديدة وحرقاتو من صدرو، البوليس وصلو عندهم 4 ساعات بعد الحادثة ولقاو الدري محروق بالحديدة وتم إلقاء القبض على الأم ديالو جين،
جين قالت ليهم راه ماشي أنا لي حرقتو وهو ماقاليش بلي راه تحرق ( الطنز العكري بعينه )، ولكن البوليس ما صدقوش هضرتها ودخلوها للحبس وأولادها داوهم لمؤسسة حماية الطفولة.

البوليس شدو واحد الراجل دخل لدار ماشي ديالو وبدا كايطيب فيها الدجاج ههههه

رونالد ويسلي، رجل من فلوريدا عمرو 34 سنة دخل لدار ديال واحد الناس بعدما خرجو ، ولقاوه جالس فيها كايطيب الدجاج وكايشرب الڤودكا، أونيال، قالت ليهم انها غوتات عليه وقاتلو غرج قبل مانجيب لك البوليس 
ولي خدامين مع الشريف ديال المنطقة قالو بلي شافوه كايدور في الجوار بعد ما جرات عليه أونيال من الدار 
البوليس داو خونا للحبس ولقاوه متهم بعدة تهم، ولكن أونيال قالت ليهم بلي كاتعرفو ولكن مامنحقوش يدخل عندها للدار،
واحد من صحاب أونيال ( بان لي مامسوقش ڭاع ههه ) هما مصدومين وهو كاياكل في الدجاج لي وجدو خونا، ههههه قاليهم هادشي بنين وهو كايعرف يطيب

حالة توقيف من الشرطة في مقتل موظف جوجل

البوليس لقى شي مشتبه فيهم في قضية مقتل ڤانيسا ماركوڤ الصيف الماضي، المشتبه به سميتو كارديرو أورتيز عندو 31 سنة
البوليس لقاو جسم ماركوت عاري قريب من بيتها نهار 7 غشت. البنت كانت خرجات مارجعاتش والعائلة عيطو للبوليس ولقاوها في هذه الحالة، التحريات بينت أنها كانت كاتقاوم المجرم وأنهم لقاوها محروقة من من يديها ورجليها وراسها 
بعد تحريات الحمض النووي قالو البوليس بأنه الحمض النووي ديال المشتبه به أورتيز كارديرو متطابق مع الحمض النووي لي لقاو فجسم الضحية، وقالو بأنه فداك نهار الخميس كان هو حدام قريب من مكان العمل ديال الضحية، وهذا دليل كافي على أنه الفاعل
هاد المجرم نهار الثلاثاء غادي يقدموه للمحكمة باش ينال الجزاء ديالو

المسيحيون في المكسيك كايغطيو جسمهم بالهندية مشوكة وكايتربطو بالسلسلة وكايلبسو تاج ديال الشوك في الطقوس ديالهم

شي مسيحيين في المكسيك كانو لابسين الشوك فوق راسهم ومدخلين الصبار فيديهم وجسمهم كلو ومترابطين بالسلسلة ولابسين الماسكات، وهاد الطقس الديني كايخصهم يتمشاو في المدينة هكذا، وكايقولو بأنه 100 عام هادي وهذا الطقس الديني كاين فهاد القنت من العالم
هذا الطقس الديني كايديروه في أول جمعة قبل عيد الصفح ديال المسيحيين، وقال كاهن الرعية، ألفريدو رودريغيز غوتيريز: “لقد رفضت الاعتراف بقدسية الحياة”،
حفلة أخرى في المكسيس هاد المرة كانو فيها ناس عندهم معتقدات دينية أخرى، كانو كايجرو أغصان عامرة بالشك في وسط مدينة طاكسكو في جنوب المكسيك
وفي الفيلپين كانو شي رجال كايمارسو طقوس دينية أكثر قسوة حيث كانو مربوطين بالسلاسل ومضروبين فيهم المسامر في الجلد ديالهم وشادينهم مع عمود ديال الخشب بالمسامر

هذه الإحتفالات تبقى هي أعنف إحتفالات دينة يمارسها البشر


 

Christians in Mexico have covered themselves with hundreds of cacti, shackled themselves with chains and worn crowns of thorns to commemorate Good FridayThe religious devotees also wore masks as they marched through the streets carrying statues of Jesus

This traditional celebration of Good Friday remembers the first Friday before Easter, which marks the date of Jesus Christ's crucifixion by the Roman authorities

The traditional march is believed to have been practised for more than 100 years in the country

Parish priest Alfredo Gutiérrez Rodríguez said: 'We have refused to recognize the sanctity of life [and] how great man is by being alive'

دري عمرو 8 سنين مشا مع ختو للمطعم وهو يسوق سيارة

بسبب اليوتوب ولينا كانتعلمو أي حاجة بغيناها تقريبا، حتى السياقة بكل إحترافية
ولكن هادشي يقدر يكون خطير على الأطفال لي كايتعلموا أشياء كبيرة عليهم بحال سياقة السيارات والدراجات النارية
وهادشي لي وقع مع واحد البرهوش فعمرو 8 سنين من مدينة إيست بالستين بولاية أوهايو الأميركية، العفيريت خلا واليديه دخلو من الخدمة عيانين ونعسو وسرق ليهم السوارت ومشى بالشاحنة ديال باباه للمطعم وكانت راكبة معاه ختو، منين وصلو شافهم واحد جارهم وعيط لواليديهم باش يجيو والشرطة، الغريب في الأمر أن الناس لي شاوه سايق السيارة قالو أنه كان كايسوڭ بحال واحد كبير بعقلو، وكيحتارم قوانين السير والإشارات بكل إحترافية.
المهم البطل ديالنا كلا هو وختو الوجبة ديالهم لي طلبو وشبعو مع راسهم عاد وصلات الشرطة، ومنين دارو معه إستجواب قال ليهم : تعلم السياقة من اليوتوب
الحمد لله ما وقعات لا إصابات لا والو فهاد الواقعة وكلشي بيخير

آپريل، أشهر زرافة في العالم وضعت مولودها أخيرا، وشاهد الحدث أكثر من 1.2 مليون مشاهد على شبكات التواصل الإجتماعي

زوينة هاد القضية، الزرافة الاشهر عالميا ولدات وشافوها 1.2 مليون واحد على فيسبوك ويوتوب وآنستاغرام، في الأول بانو رجيلات خارجين من مؤخرة الزرافة، شوية شوية حتى بان ليهم رأس المولود خرج وكملات الترافة آپريل الولادة بطريقة طبيعية، قال المسؤول عنها في حديقة حيوانات مدينة نيويورك بأن المولود ذكر
المولود كايوزن 150 پاوند وطوله 6 أقدام حسب ما قالته مجلة، كوكب الحيوانات
الجميل في كل هذا هو أن النقل المباشر للولادة إستمر 42 ساعة وشوهد 15 مليون مرة على اليوتوب
العديد من المشاهدين شكرو المنتزه على هذا النقل الرآآآئع جدا، والذي شاهدوه مع أطفالهم وكانو كلهم ينتظرون أن يخرج المولود في صحة جيدة،
لحد الآن المسؤولون عن المنتزه لم يختارو إسما للمولود الجديد وكايفكرو يديرو مسابقة لتسميته من طرف المشاهدين المهتمين بالزرافة آپريل ودارو موقع لجمع التبرعات لآپريل وإبنها، والناس تفاعلو معاه وكل واحد تبرع بقدر مالي لمساعدة المنتزه في الإعتناء الجيد بآپريل
صدق من قال ما أجمل بلاد العم سام