أسمن رضيعة فهاد الكوكب

رضيعة هندية عمرها 8 شهور كاتوزن أكثر من 17 كيلو وكاتاكل الماكلة ديال بنت عندها 10 سنين، هاد البنت سميتها تشاهات كومار كاتسن مع واليديها في ولاية بنجاب شمال الهند وقالت عليها صحيفة “دايلي مايل” أن وزنها بحال ديال بنت عندها 4 سنين،
الأم والأب ديالها سبق مات ليهم رضيع ولد، وكانو فرحانين ببنتهم ولكن ظهر عندها هذا المرض النادر جدا، وكايقولو الأهل ديالها أنها لا تشبع ومنين ماكايبغيوش يوكلوها كاتغوت ربي لي خلقها وتبدا تبكي، الأم والأب حارو معاها خصوصا وأن الظروف المادية مامساعداهمش باش يديوها لأحسن المستشفيات، والطبيب ديالها كايقول أن الجلد ديالها متصلب وماكايقدروش ياخدو منها شوية ديال الدم باش يديرو التحاليل ويدرسو الحالة ديالها

هاد الحالة خلات البنت ماكاتخرجش من الدار بزاف، وهادشي خلاها تولي كئيبة بعض الشيء والواليدين ديالها كايتمناو يلقاو شي حل لمشكل بنتهم باش تعيش بحال الأولاد في سنها حياة طبيعية

عطيني فرشيطة وموس، ڤيديو كايخلع ديال واحد الجدة لابسة بحال الساحرة ( نيلدا ) وكاتخلع الدراري الصغار وتقتلهم وتعذبهم

واحد الشارفة سميتها جونيڤ روبينسون، عمرها 51 عام كانت كاتلبس بحال الساحرة ( نيلدا ) وتعذب الأطفال نفسيا وجسديا، وكان كايعاونها فهاشي صاحبها، عندو 33 عام وسميتو جوشا ڭرانجي، كان كايلبس الماسك ديال الشيطان ( كورو ) وكايعاونها في الجارئم ديالها، حتى هو حكمو عليه ب 30 سنة في السجن 
القاضي منين جا يحكم عليهم، شاف صورة البنت بريئة وكاضحك قبل مايعذبوها، وكيف ولات من بعد التعذيب النفسي والإرهاب لي داروه ليا، وقال ليهم، عرفتو شكون مات ؟؟ ماتت البرائة التي كانت خارجة من عينين هذه البنت قبل ما تعذبوها

At sentencing, prosecutors for the first time revealed in court an alleged video of Robinson dressed as Nelda

حصان هرب من منتزه فيلاديلفيا وعطاها للجري في المدينة

البوليس ديال مدينة فيلا ديلفيا لقاو حصان سميتو (بيڭ ماما ) كايجري في المدينة بعدما كان هرب من المنتزه ديال المدينة قبل أكثر من 7 ساعات، حارو معاه ولا بغا يتشد ليهم، في الأخير جابو ليه شوية ديال الجزر ومسكين جيعان جا ياكل، وشدوره في شارع جيرارد بحي فيش تاون ورجعوه للمنتزه، لحد الآن مالين المنتزه مزال ما عرفو الطريقة لي هرب بيها من عندهم، ولكن غريزة الحرية كاينة فجميع الحيوانات

صور بينات رجل أمن كايتعدى على فريق عمل جريدة في لقاء لفرانسوا فيون

جريدة تابعة لقناة كانال + الفرنسية نشرات صور ديال رجل امن كايتعدى على فريق العمل في ليلة لقاء فرانسى فيون في باريس. الفيديو لي تنشر كايبين الصحفي لويس مورين جبد الهاتف ديالو باش يصور وهزوه صحاب الحال حتى لقا راسو خارج القاعة، ونزلو رجل الأمن للأرض وبقى شادو

مقدم البرامج سيريل إلدان، قال لك راه فرانسوا فيون إعتذر للقناة على سوء التفاهم هذا، وأرجع الأمر لمناخ التوتر الشديد هاد ليامات، لي وصل بيه لدرجة العنف،
ولكن القناة رفعات عليهم دعوى تعويضية وتقول أنا داك خونا ماشي من الحرس الخاص لفرونسوا فيون ولكن جابوه باش يعاونهم ديك الليلة

سريعة وغاضبة، لقاء سري بين ڤان ديزيل و دو روك

دو روك المشهور كممثل ولاعب مصارعة قال في شبكات التواصل الإجتماعي بلي كاين شي ناس في الميدان غير حرفيين، وكان كايمعني على ڤان دييزيل وفريقه، هادش لي خلا فريق تصوير فيلم ( 8 fast كله يتقلق من دوروك على هاد الكلام لي قال، ( حتى واحد فيهم ما يقدر يواجهني في الحلبة ) هههههههه الدقان على ڤان دييزيل عاين باين.
التوتر ولا كبير بيناتهم لدرجة أنهم مابقاوش قادري يديرو مشهد في الفيلم، وهكا دارو إجتماع مغلق بيناتهم باش ينهيو الخلافات ديالهم ويتفاهمو باش يقدرو هكا يكملو مزيان، ولكن فريق العمل كله ماحملش داكشي لي دار دو روك لحقاش كان مزال غير سيمانة ونص ويبداو في التورناج بيخير

gal

داعية إسلامي سعودي قال ليهم : علاش العرب كايخافو من العين ؟

أكبر داعية إسلامي سعودي ( عايد القرني ) قال في لقاء تلفزيوني ( الثامنة ) على قناة MBC قال لهم، ماعرفتش علاش حنا العرب كانخافو من العين ؟؟ علاش غادي يحسدونا مثلا ويضربونا بالعين ؟؟ الدول المتقدمة جدا مثل اليابان و الهند لي وصلو للقمر وقربو يوصلو للمريخ وماكايحسدوهومش وماكايتعينوش

حنا العرب، غير مرأة تحمل كايبداو عليك << ماتقولها لحد >> << خلي كلشي مستور >> غايضربونا بالعين 

فأكد القرني أن الجهل بالإسلام الحقيقي هو لي كايخلي الناس الجاهلة تيق بهاد الخرافات وتنقلها للناس الآخرين، وأن عدم إهتمام الدول المسلمة بإسلامها هو لي كايخلي هادشي ينتشر ويفاقم في الجتمع ديالنا
ثقافة ضحلة ومجتمع ضحل

متهم بإغتصاب قاصر وقتلها هي وجدها وجداتها إنتحر بالقفز من الطابق الرابع

روبرت سيمان، هو إسم المنتحر وفعمرو 48 عام، كان متهم بحرق بنت قاصر عمرها 10 سنوات بعدما إغتصبها بزاف ديال المرات، ، أحرقها هي و جدودها والدار كلها لي كانو فيها نهار 10 أبريل 2017، ومنين حكمو عليه وكانو مخرجينو البوليس من المحكمة للسجن، هرب ليهم ونقز من الطابق الرابع ومات، لحقاش مابغاش يدوز الحبس 
من بعد البوليس لقاو الجثة ديال البنت وجدها وجدتها محروقين في الطابق الثاني فدارهم
الله يستر الوقت ولات كاتخلع


 

داعش.. اسوأ سمية تقدر تكون عند شي واحد جات من زهر أمريكية

بزاف ديال الناس فالمغرب رفعوا قضايا على واليديهم و السبب هو باش يغيرو الأسماء ديالهوم بحكم أنها غريبة ولا قديمة بزاف ولا كاتضحك. ولكن هاد الأسماء بحال بوشعيب، بوشتا، بلعيد، عاشور.. إلخ.. راه ماكاتبان والو قدام وحدة سميتها “داعش”. أيييييه.. واحد السيدة فولاية ماساسوتشس الأمريكية سميتها ISIS و اللي هي الاختصار ديال ما يسمى بالدولة الإسلامية فالعراق والشام، الجماعة الإرهابية اللي دايرة الرعب فالعالم. وماشي غير هادشي، حتى كنيتها فيها المشاكل. تعقلوا على واحد الغوريلا كانو قتلوه بعد ماطاح واحد الولد صغير فالقفص ديالو و دار البوز فالأنترنيت.. آااااه هو هاداك.. سميتو “هارامبي” و هي نفسها الكنية ديال هاد السيدة.
أيزيس هارامبي كانت نكرة و حتى واحد ما يعرفها.. ولكن غير شافو سكان التويتر البيرمي ديالها فيه هاد السيمة و هي ترجع مشهورة و كولشي ولا يهضر عليها.
المهم أ خاي بوشعيب ولا عاشور ولا بوشتا غير بلا ماتقلق.. راه كاين فهاد العالم اللي الحظ ديالو فالسمية اكفس من ديالك.. و انت اللي كاتقرا هاد المقال إلا كان الحظ ديالك فالسمية احسن من هادو كاملين بارطاجي مع صحابك واحمد الله.

daach

شفار رغمو عليه يحفر القبر ديالو ودفنوه حي في جنوب إفريقيا

ڤيديو تنشر في الأنترنت ديال واحد الشفار في جنوب إفريقيا، ردوه يحفر القبر ديالو ومنين حفرو مزيان هجمو عليه واحد المجموعة ديال الناس معصبين وغضبانين وضربوه بغاو يقتلوه باش يموت ويدفنوه في داك القبر،
الشخص لي صور الڤيديو قال بلي الشرطة كون تعطلات غير شوية كون لقات الراجل محروق لحقاش كانو موجدين البنزين باش يحرقوه ويدفنوه
نفس الرجل سبق ليه كلا العصى من عند الناس بعدما كانو لقاوه دخل يسرق فشي ديور ومابغاش يتوب
آودي لي فيه شي ڤيس راه فيه والشيخة عمرها تنسى هزة الكتف


 

الأطباء تزعزعو هما تخلعو بسبب واحد الطفل تولد بالقلب ديالو كلو خارج من الصدر ديالو

لسوء الحظ العائلة فقيرة وماعندهاش باش دير التحاليل قبل الولادة ، ما كتاشفو المشكل حتى تولدات بنتهم في المستشفى نهار 5 أبريل في الهند وحظوظها باش تبقى عايشة لا تتعدى  50 بالمئة  
الأم ديالها مسكينة قالت أنا حزينة بزاف، عمرني توقعت بنتي الأولى تخلق بعاهة صعبة بحال هادي 
الطفل نقلوه لمسثشفى مزيان باش يديرو ليه 3 عمليات متتالية تنقذ الحياة ديالو في المستشفى الجامعي لمدينة دلهي
الوالد ديالو مافحالوش وقال ليهم كن كان عندي باش ندير بنتي في أحسن مستشفى في الهند المهم تعيش لي وتكبر بيخير

حسب الخبراء حالة هذه البنت نادرة جدا كاتوقع لكل طفل من أصل 150 ألف ولادة
الله يشافيها مسكينة